Líftrygging greiðir rétthöfum bætur við fráfall þess sem tryggður er, hvort sem það er af völdum sjúkdóma eða slysa. Hinn vátryggði ákveður sjálfur hverjir eru rétthafar bóta og eru þeir tilgreindir á vátryggingarskírteini. Bætur eru greiddar út í formi eingreiðslu og eru skattfrjálsar. Líftrygging gildir til 70 ára aldurs hins vátryggða.

Hvað þarftu háa líftryggingu?

Tilgangur líftryggingar er að tryggja fjárhagslegt öryggi þeirra sem standa þér næst. Við hjá TM bendum því fólki á að hafa eftirfarandi þætti í huga við ákvörðun á líftryggingarfjárhæð:

• Ráðstöfunartekjur í 2-3 ár
• Fjöldi barna á heimilinu undir 18 ára aldri
• Skuldir heimilisins

Hvað er iðgjaldafrelsi?

Iðgjaldafrelsi er innifalið í líf- og sjúkdómatryggingum. Það þýðir að ef sjúkdómur eða slys veldur hinum vátryggða skertri starfsorku sem nemur helmingi eða meira á hann rétt á hlutfallslegri lækkun eða niðurfellingu iðgjalds.

Svona sækir þú um

Hér getur þú nálgast umsóknareyðublaðið (pdf skjal, 552 kb). Þegar þú hefur fyllt út og undirritað umsóknina skal senda hana til TM í pósti. Umsóknin verður síðan yfirfarin hjá félaginu og tryggingar gefnar út samkvæmt henni, verði hún samþykkt. Hugsanlega þarf að afla frekari upplýsinga frá þér eða læknum og bíður þá umsóknin frekari afgreiðslu þar til öll gögn hafa borist og þau verið metin.

Viltu fá tilboð fyrst?

Hægt er að sækja um tilboð í líftryggingu áður en umsókn er fyllt út. Ráðgjafi TM hefur samband til að senda þér tilboð og leiða þig í gegnum umsóknarferlið.

Fáðu tilboð í líftryggingu

Sjúkdómatrygging greiðir bætur þegar hinn tryggði greinist með tiltekinn sjúkdóm eða þarf að gangast undir aðgerð. Bætur eru greiddar út í formi eingreiðslu. Sjúkdómatrygging gildir til 65 ára aldurs hins tryggða.

Sjúkdómatryggingin innifelur bætur vegna:

• hjartaáfalls
• kransæðaskurðaðgerðar
• hjartalokuaðgerðar
• skurðaðgerð á meginslagæð/ósæð
• heilaáfalls
• krabbameins
• góðkynja heilaæxlis
• MS
• MND
• meiriháttar líffæraflutninga
• nýrnabilunar
• alzheimersjúkdóms
• parkinsonssjúkdóms
• alvarleg brunasárs
• útlimamissis
• eyðnismits af völdum blóðgjafar eða líkamsárásar
• heilahimnubólgu af völdum bakteríusýkingar
• heyrnaleysis
• blindu

Nánari skilgreiningar á sjúkdómum og aðgerðum er að finna í skilmálum um sjúkdómatryggingar.

Börnin tryggð

Í sjúkdómatryggingu TM er innifalin vernd fyrir börn frá þriggja mánaða aldri til 18 ára aldurs. Börnin eru tryggð fyrir sömu sjúkdómum og foreldri og nær tryggingin til barna hins vátryggða auk fósturbarna og stjúpbarna ef þau eiga sama lögheimili og búa á sama stað. Vátryggingarfjárhæð barna er helmingur af vátryggingarfjárhæð foreldra. Hámarksbætur vegna barna eru skilgreindar nánar í skilmálum um sjúkdómatryggingu..

Ef vátryggðir eignast barn eða ættleiða barn yngra en 18 ára gamalt gefst þeim einnig tækifæri á að hækka vátryggingarfjárhæð sína, án frekari upplýsinga um heilsufar sitt, svo lengi sem óskin berist innan þriggja mánaða frá fæðingu/ættleiðingu. Vátryggingarfjárhæðina er hægt að hækka um fjórðung en þó ekki um hærri fjárhæð en þá sem er í skilmálum sjúkdómatryggingar.

Hvað þarftu háa sjúkdómatryggingu?

Við mat á vátryggingarfjárhæð þarf að horfa til ýmissa þátta. Þar má nefna fjölskyldustærð, hve lengi viðkomandi nýtur launatekna í veikindum auk fjárhagsskuldbindingar. Þeir sem búa fjarri sjúkrahúsi og læknisþjónustu þurfa oft að ferðast mikið eða þá að flytja búferlum, tímabundið eða til frambúðar. Einnig getur þurft að breyta íbúðarhúsnæði vegna afleiðinga veikinda.

Iðgjaldafrelsi líf- og sjúkdómatrygginga

Iðgjaldafrelsi er innifalið í líf- og sjúkdómatryggingum. Það þýðir að ef sjúkdómur eða slys veldur hinum vátryggða skertri starfsorku sem nemur helmingi eða meira á hann rétt á hlutfallslegri lækkun eða niðurfellingu iðgjalds.

Sótt um líf- og sjúkdómatryggingar

Hér er hægt er að nálgast umsókn um líf- og sjúkdómatryggingu (pdf skjal, 543 kb, ). Mögulega þarf að kalla eftir frekari gögnum frá þér eða læknum sem hafa meðhöndlað þig, ef upplýsingar á umsókn þinni gefa tilefni til þess.

Viltu fá tilboð fyrst?

Hægt er að sækja um tilboð í sjúkdómatryggingu áður en umsókn er fyllt út. Ráðgjafi TM hefur samband til að senda þér tilboð og leiða þig í gegnum umsóknarferlið.

Fáðu tilboð í sjúkdómatryggingu

Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Almenn slysatrygging bætir líkamstjón sem verða vegna slysa við vinnu og í frítíma. Þó er hægt að kaupa slysatryggingu sem tekur einungis til atvinnuáhættu eða sem gildir einungis í frítíma. Einnig er hægt að kaupa sérstakar slysatryggingar sem taka til séráhættu, svo sem íþrótta. Í slysatryggingu er hægt að velja um að fá greiddar dánarbætur, bætur vegna tímabundinnar örorku (dagpeninga) og varanlegrar örorku af völdum slysa. Tryggingartaki ákveður bótafjárhæðir, sem eru þó háðar samþykki Tryggingamiðstöðvarinnar hf.

Með orðinu slys er átt við skyndilegan, utanaðkomandi atburð sem veldur meiðslum á líkama þess sem tryggður er og gerist án vilja hans.

Slysatrygging launþega

Samkvæmt kjarasamningum ber vinnuveitanda að slysatryggja starfsmenn sína. Nokkuð misjafnt er eftir stéttafélögum hvernig þessari tryggingu er háttað en almennt er um að ræða dánar- og örorkubætur og oft dagpeninga. Trygging þessi gildir ýmist í vinnu og á milli vinnustaðar og heimilis, eða allan sólarhringinn.

Slysatrygging sjómanna

Slysatrygging sjómanna er ólík slysatryggingu launþegar því húner lögbundin trygging samkvæmt 172. gein siglingalaga númer 34/1985

og ber útgerðamaður hlutlæga bótaábyrgð á því slysi sem skipverji verður fyrir þegar hann er staddur á skipi eða vinnur í beinum tengslum við rekstur skips. Tryggingin innifelur dánar- og örorkubætur auk dagpeninga.

Frítímatrygging sjómanna

Eins og nafnið gefur til kynna er hér um að ræða tryggingu sem einvörðungu gildir í frítíma sjómanns. Það sem er sérstakt við þessa tryggingu er að líkt og í vinnuslysum sjómanna þá eru tjónbætur ákvarðaðar eftir reglum skaðabótalaga nr. 50/1993. Það eru því ekki fyrirfram ákveðnar vátryggingafjárhæðir sem gilda, heldur ræðst bótaútreikningur að mestu leyti af því tekjutapi sem viðkomandi sjómaður verður fyrir.  Þetta teljum við henta sjómönnum sérstaklega vel, þar sem tekjur þeirra eru afar sveiflukenndar, en þessi nálgun á bótaútreikningi kemur til móts við slíkar þarfir.

Fáðu tilboð í slysatryggingu

Almenn slysatrygging bætir líkamstjón sem verða vegna slysa við vinnu og í frítíma. Þó er hægt að kaupa slysatryggingu sem tekur einungis til atvinnuáhættu eða sem gildir einungis í frítíma. Einnig er hægt að kaupa sérstakar slysatryggingar sem taka til séráhættu, svo sem íþrótta. Í slysatryggingu er hægt að velja um að fá greiddar dánarbætur, bætur vegna tímabundinnar örorku (dagpeninga) og varanlegrar örorku af völdum slysa. Tryggingartaki ákveður bótafjárhæðir, sem eru þó háðar samþykki Tryggingamiðstöðvarinnar hf.

Með orðinu slys er átt við skyndilegan, utanaðkomandi atburð sem veldur meiðslum á líkama þess sem tryggður er og gerist án vilja hans.

Sjúkratrygging

Hægt er að bæta sjúkratryggingu við slysatrygginguna og velja um að fá greiddar örorkubætur og/eða dagpeninga vegna sjúkdóma. Sama fyrirkomulag er um ákvörðun bótafjárhæða eins og í slysatryggingum.

Fáðu tilboð í sjúkra- og slysatryggingu

Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Sjúkrakostnaðartrygging er fyrir þá sem njóta ekki sjúkratrygginga þar sem þeir hafa ekki átt lögheimili á landinu í sex mánuði. Tryggingin er fyrir Íslendinga sem flutt hafa lögheimilið frá Íslandi og eru ekki lengur sjúkratryggðir inni í almannatryggingum en eru að flytja heim aftur. Einnig er tryggingin fyrir útlendinga sem eru að flytja lögheimili sitt til Íslands eða koma hingað og vinna tímabundið samkvæmt dvalarleyfi samþykktu af Útlendingastofnun. Tryggingin er skammtímatrygging og gildir í sex mánuði frá því að vátryggður kemur til Íslands.

Hvað bætir tryggingin?

Sjúkrakostnaðartrygging er í meginatriðum eins og almannatryggingalögin og bætir til dæmis sjúkrakostnað, lyfjakostnað og lækniskostnað en þó með ákveðnum takmörkunum eins og fram kemur í skilmálum.

Vátryggingarfjárhæð og eigin áhætta

Útlendingastofnun gerir kröfu um lágmarksvátryggingarfjárhæð og er hún 2.000.000 krónur en þó er hægt að velja hærri fjárhæðir. Eigin áhætta er 50.000 krónur vegna samanlagðs kostnaðar á vátryggingatímabilinu.

Umsóknarferlið

Vátryggður þarf sjálfur að fylla út beiðni, staðsetja, dagsetja og undirrita. Ef ekki er til kennitala fyrir vátryggðan þá þarf að fylgja með ljósrit af vegabréfi svo félagið geti sótt um kennitölu hjá Hagstofu Íslands.

Fáðu tilboð í sjúkrakostnaðartryggingu

Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Líftryggingamiðstöðin hf. tók formlega til starfa þann 1. janúar 2003.

Félagið býður líf- og sjúkdómatryggingar undir vörumerkinu TM-Líf. Starfsmenn söludeildar TM annast sölu og þjónustu þessara trygginga og gefst nú viðskiptavinum félagsins kostur á að hafa allar sínar tryggingar á einni hendi. Með því fá þeir betri yfirsýn yfir vátryggingarverndina, auk þess sem það hefur í för með sér lægri iðgjöld og býður upp á hagstæða greiðsludreifingu.

Nánari upplýsingar eru veittar á skrifstofu TM í síma 515-2000 eða hjá útibúum og umboðum um allt land.

Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá