Bílpróf TM
TM vill styrkja samband
milli ökunema og foreldra
Til þess að minnka líkur á slysum og styrkja samband ungra ökumanna og foreldra býður TM forráðamönnum og nýjum ökumönnum, að gera sín á milli samning um öruggari akstur. Samningurinn felur í sér að samningsaðilar lofa hvor öðrum ýmsum atriðum sem beinast að því að styðja við gæði ökuprófsins og þar með auka öryggi í umferðinni.
Ávinningur
1. Aukið öryggi í umferðinni og þar með minni líkur á óhöppum og slysum.
2. Lægri iðgjöld bæði fyrir forráðamann sem lánar ungum ökumanni bíl sinn til umráða og einnig fyrir unga ökumanninn þegar hann kaupir sér eigin bíl. Ávinningurinn getur numið allt að 30%.
Dæmi;
Við miðum við Toyota Corolla árgerð 2010.
Fyrsta dæmið er án allra afslátta og hljóðar upp á 174.441 kr
Næsta dæmi er með tiltækum afsláttum og hljóðar upp á 120.009 kr
Þarna er rúmlega 30% verðmunur. Samningurinn kemur því öllum að góðum gagni.
Skoðið samninginn.
Æfðu þig fyrir skriflega prófið
TM býður þér að æfa þig fyrir skriflega bílprófið hér á TM vefnum. Spurningarnar í æfingarprófinu eru um 300 talsins og eru samdar af ökukennara og hafa verið yfirfarnar af Umferðarráði.
Prófið er alveg eins uppbyggt og raunverulega skriflega bílprófið, eða samtals 30 spurningar. Hver spurning er krossaspurning og getur verið um fleiri en einn möguleika að ræða. Þegar þú hefur spreytt þig birtist svarið við spurningunni er sýnir hvað var rétt og rangt. Einnig er hægt að hlusta á hverja spurningu, sem hentar þeim sem taka bílprófið munnlega. Þá er spurningin lesin ásamt svörunum.
Prófinu er skipt í A og B hluta, 15 spurningar í hvorum hluta og máttu aðeins vera með tvær villur í A hluta. Þú stenst ekki prófið ef þú gerir fleiri en sjö villur í heild. Það telst villa ef kross vantar eða honum er ofaukið. Þá birtast stigin, fjöldi villa og hvaða einkunn þú ert komin/n með.
Gangi þér vel!
