Gæludýratryggingar

Gæludýratryggingar TM skiptast í fjóra hluta, sjúkrakostnaðartryggingu, líf- og heilsutryggingu, ábyrgðartryggingu og gæslutryggingu. Tryggingarnar ná yfir ýmsar tegundir gæludýra. Lágmarksaldur gæludýra er fjórar vikur þó mismunandi eftir tegundum. Hægt er að ganga frá tryggingunum með því að fylla út umsókn á netinu, senda inn læknisvottorð og mynd af dýrinu.

Í öllum fjórum tryggingunum felst að umhirða gæludýrsins, vistarverur og fóðrun skuli vera í samræmi við ákvæði laga um dýravernd og að bólusetja skuli fyrir þeim sjúkdómum og sýkingum sem dýralæknar ráðleggja. Þá eru tryggingarnar einungis í gildi á Íslandi.

Hámarks vátryggingarfjárhæð fer eftir tegund dýrs og getur hún lækkað eftir því sem dýrið eldist. Sjá töflu að neðan um aldur gæludýra.

Upphæð eigin áhættu kemur fram í vátryggingarskírteini vátryggingartaka. Eigin áhætta gefur til kynna þá fjárhæð sem er hlutur vátryggingartaka í hverju einstöku tjóni. Annað hvort er hún dregin frá við tjónsuppgjör eða vátryggingartaki greiðir hana til TM.

Tafla yfir aldursskiptingu gæludýra
	Hundar	Kettir	Kanínur	Fuglar
Aldurslágmark	4 vikna	6 vikna	6 vikna	10 vikna
Hámarksaldur endurnýjunar	8 ár	11 ár	5 ár
Hámarksaldur nýtryggingar	7 ár	7 ár	3 ár

Fáðu tilboð í dýratryggingu

Dýratryggingar í boði

Sjúkrakostnaður

Það getur verið kostnaðarsamt að leita aðstoðar fyrir gæludýr hjá dýralækni, einkum ef framkvæma á aðgerðir. Þegar gæludýr veikist eða slasast er álag að þurfa að hafa áhyggjur af fjármálum ofan á allt annað og greiðir þessi trygging lækniskostnað vegna slysa og sjúkdóma hjá gæludýrum.

Vinsamlegast athugið að upptalningar eru ekki tæmandi. Nánari upplýsingar má finna í skilmálum okkar.

Hvað er bætt?

Bætir greiðslur til dýralækna/dýraspítala vegna skoðunar og meðferðar, þar með talið nauðsynlegra keisaraskurða.
Lyf sem dýralæknir/dýraspítali afhendir og gefur gæludýrinu við skoðun eða meðferð.
Tannviðgerðir vegna slysa.
Rannsóknir, svo sem röntgenmyndir, línurit og rannsóknir á vefjum og öðrum sýnum.

Hvað er ekki bætt?

Kostnaður vegna geldinga dýra, ófrjósemisaðgerða eða fæðingar afkvæma.
Kostnaður vegna fegrunaraðgerða, svo sem tannviðgerða.
Meðferð vegna slysa eða sjúkdóma sem hafa komið upp áður en vátryggingin gekk í gildi, einnig meðfæddra og arfgengra kvilla svo og sjúkdóma sem koma upp innan 14 daga frá gildistöku vátryggingarinnar.
Kostnaður vegna almennra skoðana, bólusetninga og meðferða til að fyrirbyggja eða lækna afleiðingar orma.

Ábyrgðartrygging

Með ábyrgðartryggingu er eigandi gæludýrsins tryggður fyrir bótaskyldu sem fallið getur á hann vegna líkamstjóns eða skemmda á munum sem dýrið getur valdið.

Hvað er tryggt?

Með ábyrgðartryggingu er eigandi gæludýrsins tryggður fyrir bótaskyldu sem fallið getur á hann vegna líkamstjóns eða skemmda á munum sem dýrið getur valdið.

Hvað er ekki tryggt?

Tjón sem eigandi og fjölskylda hans verður fyrir á heimili þeirra. Sama á við um fjölskyldu þess sem heldur dýrið, hefur það í gæslu eða heimsókn hverju sinni.
Tjón á munum sem þessir aðilar hafa að láni, til leigu eða í geymslu.
Þá fæst tjón ekki bætt hafi ekki verið farið eftir lögum og reglum um til dæmis hundahald, lausagang dýra eða banni við dýrahaldi.

_{efst á síðu}

Gæslutrygging

Ef veikindi eða slys ber að höndum er gott að þurfa ekki að hafa áhyggjur af því hvað verður um gæludýrið. Gæslutryggingin greiðir kostnað vegna vistunar og gæslu dýrsins á viðurkenndu dýrahóteli ef umsjónarmaður þess þarf óvænt að dvelja á sjúkrahúsi lengur en þrjá daga vegna slyss eða skyndilegra veikinda.

Tryggingin bætir

Gæslutryggingin greiðir kostnað vegna vistunar og gæslu dýrsins á viðurkenndu dýrahóteli ef umsjónarmaður þess þarf óvænt að dvelja á sjúkrahúsi lengur en þrjá daga vegna slyss eða skyndilegra veikinda.

Tryggingin greiðir ekki kostnað ef fjarvera stafar af

Langvinnum veikindum sem áður hafa orsakað dvöl á sjúkrahúsi.
Meðgöngu eða barnsfæðingu.
Veikindum sem orsakast af misnotkun áfengis eða lyfja.

Líf- og heilsutrygging

Auðvitað kemur ekkert í staðinn fyrir ástkært gæludýr en því má ekki gleyma að þau geta verið mjög verðmæt og fjárhagslegt tjón fjölskyldunnar umtalsvert. Þessi trygging greiðir bætur ef gæludýr deyr, týnist eða missir algjörlega heilsu sína.

hvenær greiðast bætur?

Ef dýrið deyr af völdum sjúkdóms eða slyss, eða aflífa verður dýrið samkvæmt úrskurði dýralæknis.
Ef dýrið tapast eða því er stolið. Dýr telst tapað hafi það ekki komið fram innan tveggja mánaða frá því að leit hófst.
Ef dýrið missir heilsu sínu varanlega en lifir eða ef tjónsatburðurinn rýrir dýrið alveg sérstöku náttúrulegu eða þjálfuðu notagildi, svo sem til undaneldis, til leitar eða aðstoðar við fatlaða eru bætur greiddar að frádregnu virði dýrsins eftir tjónsatburðinn.

Hvenær greiðast ekki bætur

Ef rekja má aflífun til árásargirni.
Ef dýrið deyr vegna arfgengra eða meðfæddra sjúkdóma og kvilla.
Ef dýrið deyr vegna aldurstengdra sjúkdóma og hrörnunarsjúkdóma.
Ef rekja má aflífun til ofnæmis eigenda eða umsjónarmanna.

Vinsamlegast athugið að upptalningar eru ekki tæmandi. Nánari upplýsingar má finna í skilmálum okkar.

Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Hlusta

Gæludýratryggingar

Dýratryggingar í boði

Sjúkrakostnaður

Hvað er bætt?

Hvað er ekki bætt?

Ábyrgðartrygging

Hvað er tryggt?

Hvað er ekki tryggt?

Gæslutrygging

Tryggingin bætir

Tryggingin greiðir ekki kostnað ef fjarvera stafar af

Líf- og heilsutrygging

hvenær greiðast bætur?

Hvenær greiðast ekki bætur

Einstaklingar

Leiðakerfi

Helstu síður TM.IS

Leit á vefsvæðinu

Tryggingamiðstöðin - tryggingar fyrir þig

Tryggingar fyrir einstaklinga:

Tryggingar fyrir fyrirtæki:

Tryggingaþjónusta víðs vegar um landið

Gagnlegar upplýsingar um TM

Tungumál

Útlit síðu:

Stoðflokkar - efst á síðu