Skyldutrygging
Skyldutryggingu verður hver skráningarskyldur bíll að hafa samkvæmt lögum og samanstendur sú trygging af ábyrgðar- og slysatryggingu ökumanns og eigenda. Skyldutryggingin bætir allt það tjón sem verður af völdum ökutækisins. Þá bætir hún einnig það slys sem ökumaður verður fyrir við stjórn bílsins eða sem farþegi í eigin bíl.
Hjá TM er sama iðgjald tekið fyrir alla aldurshópa og er því ekkert bónuskerfi. Í stað þess greiðir þú iðgjaldsálag að fjárhæð 25.000 krónur ef tjónsbætur í hverju tilviki eru hærri en 75.000 krónur. Ef ökumaður er 23 ára eða yngri hækkar iðgjaldsálagið um 25.000 krónur á ökutækjum sem tryggð eru á einstakling. Iðgjaldsálagið fellur í gjalddaga um leið og TM hefur gert upp tjónið.
Hvað er bætt í skyldutryggingu?
|
Hvað er ekki bætt í skyldutryggingu?
|
Vinsamlegast athugið að þessi upptalning er ekki tæmandi. Nánari upplýsingar er að finna í skilmálum okkar.
Iðgjaldaskrá
Iðgjald tekur mið af tegund bíls, notkun bíls og búsetu vátryggingartaka samkvæmt iðgjaldatöflu og tjónareynslu.
Aðstoð og Öryggi (A&Ö) aðstoðar viðskiptavini TM án endurgjalds
Það er yfirlýst markmið okkar hjá TM að veita skjóta og réttláta þjónustu við úrlausn tjónamála. Í því skyni njóta viðskiptavinir TM þjónustu Aðstoð & Öryggi (A&Ö) við útfyllingu á tjónaskýrslum vegna umferðaróhappa, án endurgjalds.
Eitt símtal í þjónustusíma A&Ö - 578 9090 - tryggir skjótan aðgang að þjónustu A&Ö. Fulltrúi fyrirtækisins kemur á vettvang og gerir nauðsynlegar vettvangsmælingar, hjálpar til við gerð tjónaskýrslunnar og sendir hanar til TM á rafrænu formi innan sólarhrings frá því aðstoðin er veitt.
Þjónustan stendur til boða hvort sem viðskiptavinur TM er valdur að tjóni eða ekki. Mikilvægt er að hafa í huga að kalla verður til lögreglu ef slys verða á fólki. Fyrst í stað verður þjónustan aðeins veitt á höfuðborgarsvæðinu.
Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá
