Eldgosið - upplýsingar og forvarnir
Tryggingamiðstöðin vill koma eftirfarandi upplýsingum á framfæri vegna eldgossins í Eyjafjallajökli.
Eignir sem eru brunatryggðar eru viðlagatryggðar. Viðlagatrygging bætir tjón af völdum náttúruhamfara. Ökutæki eru þó ekki viðlagatryggð, jafnvel þótt þau séu með kaskótryggingu. Nánari upplýsingar um trygginguna má finna á www.vidlagatrygging.is og í reglugerð um Viðlagatryggingu Íslands.
Tjón af völdum eldgoss - hvað er tryggt og hvað er ekki tryggt? *
- Húseignir
Allar húseignir skulu vera tryggðar með lögboðinni brunatryggingu, en viðlagatrygging fylgir brunatryggingu húseigna. - Ökutæki og húsvagnar
Ökutæki og húsvagnar eru ekki viðlagatryggð þótt þau séu með kaskótryggingu. Tjón á þeim fást ekki bætt sé tjón af völdum eldgoss. - Lausafé
Lausafé sem tryggt er gegn bruna fæst bætt úr viðlagatryggingu. Það á bæði við um sérstaka brunatryggingu og heimatryggingu. - Sumarhús og gróður við sumarhús
Sumarhús (frístundahús) skulu vera brunatryggð eins og aðrar húseignir. Þau eru því einnig viðlagatryggð. Innbúsmunir (lausafé) í sumarhúsi bætast einnig úr viðlagatryggingu ef þeir eru brunatryggðir, sbr. hér að ofan. Í nánar tilgreindum sumarhúsatryggingum hjá TM (Sumarhúsatrygging TM2 og TM3) er unnt að fá sérstaka vátryggingu sem tekur til skemmda á gróðri á lóð sumarhússins. Ef slík trygging er fyrir hendi tekur hún til skemmda á gróðri sökum eldgoss. - Líkamstjón
Slysatjón vegna eldgosa eru undanskilin í slysatryggingum, en eru þó innifalin i launþegatryggingu. - Búfé
Sé búfé tryggt með landbúnaðartryggingu TM fæst tjón bætt úr viðlagatryggingu. - Dýr
Dýr sem tryggð eru með gæludýratryggingu TM eru ekki viðlagatryggð. Tjón sem verður af völdum eldgoss fæst því ekki bætt. - Forföll og ferðatafir
Flugfarþegum sem verða fyrir röskun á ferðatilhögun vegna eldgossins ber að snúa sér til flugfélags eða eftir atvikum ferðaskrifstofu, samanber reglugerð númer 574/2005 sem fjallar um réttindi flugfarþega. Samkvæmt 8. grein reglugerðarinnar á farþegi rétt á endurgreiðslu eða fá breytingu á flugleið. Nánari upplýsingar eru á vefsíðu Flugmálastjórnar Íslands, www.caa.is.
Tjón vegna röskunar á ferðatilhögun sem rekja má til eldgossins er ekki bótaskylt úr ferðatryggingum TM. Sama gildir almennt um kortatryggingar.
* Nánari upplýsingar má finna í skilmálum okkar.
Fræðsluefni vegna gossins
Um þessar mundir berst aska frá eldgosi í Eyjafjallajökli. Mikilvægt er að kynna sér rétt viðbrögð við öskufalli til að fyrirbyggja möguleg slys og tjón sem gosaskan getur valdið.
Útbúnir hafa verið bæklingar fyrir almenning um viðbrögð og hættur við gosösku. Bæklingarnir eru útgefnir af Almannavarnadeild Ríkislögreglustjóra, Matvælastofnun, Rauða kross Íslands, Sóttvarnalækni og Umhverfisstofnun.
 |
 |
|
|
Hætta á heilsutjóni vegna gosösku (PDF skjal 1.250 kb) Bæklingurinn útskýrir hugsanleg áhrif gosösku á heilsufar manna og veitir upplýsingar um hvernig þú getur varið þig og fjölskyldu þína gegn öskufalli. |
Öskufall - leiðbeiningar og viðbúnaður (PDF skjal, 305 kb) Leiðbeiningar sem fylgja skal ef viðvörun um öskufall er gefin út, |
