Söfnunar­líftrygging

Söfnunarlíftrygging er góð leið til að leggja fyrir og ávaxta fé sitt og einnig hentug leið fyrir fólk sem stenst ekki áhættumat í hefðbundnum líftryggingum.

Einstaklingar með ríkisfang innan EES geta sótt um söfnunarlíftryggingu hjá TM. Þú velur í byrjun söfnunarleið sem hentar þér best og ákveður mánaðarlegt iðgjald sem og þann tíma sem sparnaðurinn á að taka, allt frá tíu upp í 30 ár. Hægt er að breyta mánaðarlegum greiðslum að loknum upphafstíma og breyta söfnunarleiðum eða færa á milli söfnunarleiða hvenær sem er á samningstímanum. Þú getur einnig hvenær sem er á samningstímanum óskað eftir því að fá sparnað þinn greiddan út.

Hægt er að velja milli söfnunarleiða sem fela í sér mismikla áhættu og miða að mismunandi þörfum. Söfnunarleiðir eru tengdar gengi ákveðinna verðbréfa- og fjárfestingarsjóða hjá Kviku Eignastýringu hf.