Grænmetis-lasagna

Uppskriftin er fyrir 10 manns

400 g niðursoðnir tómatar t.d. í teningum
1 stk. laukur fínt saxaður
2 stk. hvítlauksgeirar
10 g basil ferskt (1 tsk. þurrkað)
svartur pipar
vatn
10 stk. lasagna-blöð eða tvö heil gastró-blöð
3 stk. kúrbítur (zucchini) skorinn í teninga
3 stk. paprika skorin í teninga
5 stk. gulrætur skornar í teninga
4 stk. tómatar skornir í báta
1 tsk. bergmynta (óreganó)
1 stk. hvítlauksgeiri
salt og pipar
500 g kotasæla
3 dl rifinn ostur
olía

Laukurinn er svitaður í potti ásamt 2 hvítlauksgeirum, basil og pipar.

Niðursoðnu tómötunum er bætt út í ásamt smávatni. Suðunni er hleypt upp og potturinn settur til hliðar.

Kúrbítur, paprika og gulrætur steikt á pönnu þar til mýkist.

Tómötunum bætt við ásamt 1 hvítlauksgeira, bergmyntu, salti og pipar og smávatni.

Raðað til skiptis í eldfast fat lasagna-blöðum, grænmeti og tómatsósu. Endað á kotasælu og osti.

Bakað við 150°C í um 45 mínútur eða þar til toppurinn er gullinbrúnn.

Hægt er að elda allt í lasagna daginn áður, passa þarf að kjarnhitinn fari örugglega yfir 75°C í miðjunni við hitun. Hér má nota ýmsa grænmetisafganga og jafnvel blanda smákjöti og jafnvel fiski með. Lasagna er alltaf gott að bera fram með salati, brauði og pestó.