Hjólreiðatrygging TM
Hjólreiðatrygging TM tryggir hjólið þitt fyrir skemmdum og þjófnaði og þig fyrir slysum og sjúkrakostnaði.
Tryggingin gildir í æfingum og keppni, á Íslandi og erlendis. Vertu viss um að þínar tryggingar séu í takt við þínar þarfir.
Tryggingin samanstendur af fjórum valkvæðum liðum; munatryggingu, ábyrgðartryggingu, slysatryggingu og sjúkrakostnaðartryggingu erlendis.
Þar sem hjólreiðakeppnir eru undanskildar í heimatryggingum TM og þar sem hámarksverðmæti hjóla eru 150-250 þúsund kr. í heimatryggingum TM mælum við eindregið með hjólreiðatryggingu TM fyrir þátttakendur í keppnum eða æfingum og eigendur verðmætra hjóla.
Sjáðu strax hvað hjólreiðatryggingin kostar
Vádís sýndarráðgjafi aðstoðar þig við að setja saman tryggingu sérsniðna að þínum þörfum. Þú sérð strax verðið á tryggingunum og getur gengið frá kaupunum fljótt og örugglega.Fá verð í hjólreiðatryggingu
Munatrygging
Tryggir hjólið þitt og verðmætan aukabúnað á borð við gjarðir og pedala
Tryggingin bætir
- Tjón á hjóli og tryggðum aukabúnaði vegna skyndilegra og óvæntra atvika.
- Viðgerðir, þjófnað og altjón.
- Skemmdir sem hjól verður fyrir í flutningum.
Tryggingin bætir ekki
- Skemmdir vegna eðlilegrar notkunar, slit né galla.
- Ef hjól er skilið eftir ólæst á almannafæri.
- Tjón vegna flutninga ef pakkningar eru ekki fullnægjandi.
Ábyrgðartrygging
Ef þú hjólar á manneskju eða hlut getur það valdið þriðja aðila tjóni. Þessi valkvæði liður getur bætt slík tjón.
Tryggingin bætir
- Skaða sem þú veldur á fólki eða hlutum.
Tryggingin bætir ekki
- Tjón á hjóli eða aukabúnaði sem þú ert með að láni eða í leigu
Slysatrygging
Slys gera ekki boð á undan sér og þau geta haft í för með sér töluverðan fjárhagslegan kostnað. Þessi valkvæði liður getur bætt slík tjón.
Tryggingin bætir
- Varanlegt líkamstjón (örorku) eða fráfall sem rekja má til hjólreiðaslyss.
- Kostnað sem fylgir því að fá læknisaðstoð eða endurhæfingu á Íslandi eftir hjólreiðaslys.
- Viðgerðir á tönnum sem brotna eða laskast.
Tryggingin bætir ekki
- Meiðsl eða líkamstjón af völdum vélknúins ökutækis.
- Fráfall sem rekja má til undirliggjandi sjúkdóma eða veikinda.
- Meiðsl eða líkamstjón sem rekja má til sjúkdóma eða veiklu.
Sjúkrakostnaðartrygging erlendis
Ef þú slasast erlendis og þarft læknisþjónustu í því landi getur sjúkrakostnaður verið mjög hár. Þessi valkvæði liður getur minnkað áfallið.
Tryggingin bætir
- Sjúkrakostnað vegna slyss eða fráfalls út af hjólreiðaslysi erlendis.
- Annan kostnað eða útgjöld sem falla til út af slysi erlendis.
- Kvalastillandi tannviðgerðir í neyðartilvikum.
Tryggingin bætir ekki
- Slys sem má rekja til neyslu áfengis eða fíkniefna.
- Slys sem má rekja til undirliggjandi sjúkdóma eða veikinda.
- Kostnað við kaup á stoð- og hjálpartækjum.
Vinsamlega athugið að upptalningin hér að ofan er ekki tæmandi. Nánari upplýsingar er að finna í skilmála tryggingarinnar.