Ef þú ert með tryggingar hjá öðru tryggingafélagi á Íslandi sjáum við um að segja upp tryggingunum fyrir þig þegar þú hefur lokið umsóknarferli hjá okkur. Ef þú ert með tryggingar hjá erlendum aðila er best að hafa samband við hann og fá upplýsingar um hvernig uppsagnarferli er háttað.

Í vefsölu TM getur þú klárað umsóknarferlið á nokkrum mínútum. Tryggingar í vefsölunni eru alltaf ódýrari en með öðrum söluleiðum TM.

Líftrygging veitir fjárhagslegt öryggi fyrir þína nánustu ef þú fellur frá. Þú ákveður hver það er sem fær fjárhæðina og það geta verið fleiri en einn aðili. Þú getur svo alltaf breytt hverjir þessir aðilar eru eftir að líftryggingin hefur tekið gildi. Fjárhæðin er greidd út í eingreiðslu og er skattfrjáls.

Flestir fullorðnir einstaklingar eru með skuldbindingar á borð við rekstur heimilis, húsnæðislán og bílalán. Sjúkdómatrygging veitir þér og þínum fjárhagslegt öryggi á erfiðum tímum ef upp koma alvarlegir sjúkdómar og tekjutap. Fjárhæðin er greidd út í eingreiðslu og er skattfrjáls.

Við sjáum að ungt fólk er ekki meðvitað um mikilvægi þess að hafa líf- og sjúkdómatryggingar. Betra er fyrir þennan hóp að kaupa sér slíkar tryggingar fyrr en seinna þar sem líkur eru minni á að yngra fólk hafi orðið fyrir heilsubresti og því meiri líkur á að umsókn sé samþykkt og áhættumat sé gott.

Þó að skuldbindingar séu ekki miklar getur sú staða komið upp að skerðing verður á tekjum meðan á bataferli stendur eftir greiningu alvarlegs sjúkdóms. Þá er gott að hafa sjúkdómatryggingu sem kemur til móts við tekjutap og því hægt að einbeita sér að bata án þess að hafa áhyggjur af fjárhagnum.

Ef þú greinist með einhvern af þeim sjúkdómum sem falla undir trygginguna greiðist fjárhæðin út í einu lagi og er skattfrjáls.

Bótaflokkarnir í tryggingunni eru eftirfarandi:

·         Krabbamein

·         Hjarta- og æðasjúkdómar

·         Tauga- og hrörnunarsjúkdómar

·         Aðrir alvarlegir sjúkdómar eða slys

Hægt er að fá bætur úr hverjum bótaflokki einu sinni.

Aðstæður okkar eru misjafnar bæði hvað varðar fjölskylduaðstæður og skuldastöðu. Það hefur almennt reynst vel að miða tryggingafjárhæðina við tekjur í 18-24 mánuði.

Þú skráir þig inn með rafrænum skilríkjum og rafrænn ráðgjafi TM leiðir þig í gegnum þægilegt ferli og spyr þig hnitmiðaðra spurninga. Þannig eru þarfir þínar greindar og þér gert tilboð í þá vernd sem TM ráðleggur. Þú getur svo breytt, bætt við eða tekið út valkvæða þætti allt eftir því sem þér hentar. Ef þér líst vel á tilboðið getur þú klárað málið. Ef þú ert með tryggingar annars staðar getum við sagt þeim upp fyrir þig rafrænt í ferlinu og við taka tryggingar TM þegar þær losna frá eldra tryggingafélagi.