TM appið


TM appið er þægileg samskiptaleið sem sparar þér tíma og fyrirhöfn. Með appinu getur þú tilkynnt tjón og fengið bætur greiddar samstundis. Þú getur einnig framkvæmt skoðun á bíl, hjóli og rafhjóli þegar þér hentar í stað þess að mæta á staðinn. Á ferðalagi getur þú staðfest gildandi ferðatryggingu eða fengið beint samband við neyðaraðstoð. Einnig er einfalt yfirlit í appinu þar sem þú sérð allar þínar tryggingar, kostnað við þær og upplýsingar um hvað innifalið er í þeim. TM appið fækkar flækjunum og einfaldar tryggingamálin þín.

Þjónusta í appinu

Fáðu tjónið bætt á 60 sekúndum

Með appinu getur þú tilkynnt um öll algengustu tjón á munum sem kunna að verða á heimilinu, svo sem á snjalltækjum, tölvum, sjónvarpstækjum, myndavélum og gleraugum. Appið leiðir þig þá í gegnum einfalt ferli sem tekur örskotsstund og lýkur með því að bætur eru greiddar inn á bankareikning.

Áhyggjulaus ferðalög

Þú þarft ekki lengur að sækja um plastkort fyrir alla fjölskyldumeðlimi áður en lagt er af stað í ferðalag, nú dugir að hafa TM appið í símanum. Þar er hægt að sjá staðfestingu á gildandi ferðatryggingu og senda samstundis á hvaða netfang sem er. Þú hefur sömuleiðis allar upplýsingar um hvað ferðatryggingin innifelur. Ef eitthvað kemur upp á geturðu svo fengið beint samband við neyðarþjónustu SOS International í gegnum appið hvenær sem er sólarhringsins.

Snjallskynjari að gjöf

Ef þú ert með heima- eða fasteignatryggingu hjá TM getur þú fengið snjallskynjara að gjöf sem sendir boð í farsíma ef vatnsleka verður vart. Snjallskynjarinn er pantaður í appinu.

Farartækjaskoðanir í appinu

Þú þarft ekki að mæta á staðinn með bílinn eða ferðavagninn til skoðunar vegna kaskótrygginga. Skoðunin fer einfaldlega fram í appinu þar sem þú tekur myndir af farartækinu og virkjar þar með trygginguna. Á sama hátt fer skoðun fyrir hjól og rafhjól fram vegna hjólreiða- og rafhjólatrygginga.

Bættu við kaskótryggingu

Ef þú ert nú þegar með ökutækjatryggingu hjá TM fyrir bílinn þinn er mjög auðvelt að bæta við kaskótryggingu í appinu. Þú sérð strax hvað tryggingin mun kosta og hvað er innifalið. Í framhaldinu getur þú framkvæmt kaskóskoðun í gegnum appið. Skoðunin er samþykkt rafrænt og um leið tekur tryggingin gildi. Þetta er fljótlegt, einfalt og alsjálfvirkt ferli.

Yfirlit trygginga

Þú getur séð allar helstu upplýsingar um þínar tryggingar í appinu og öðlast þannig góða yfirsýn. Til dæmis má sjá iðgjöld, hvað er bætt og ekki bætt, skilmála og tryggingaskírteini. Þetta gefur þér betri tilfinningu fyrir þeim tryggingum sem þú hefur keypt og kostnaði þínum við þær.