Stjórnar--hættir TM hf.

Skipuritið gildir frá 15. janúar 2020.

Skipu--rit TM hf.

Siðareglur TM eru leiðbeinandi um samskipti starfsmanna félagsins innbyrðis og samskipti starfsmanna við viðskiptavini TM, birgja og aðra aðila. Reglurnar ná til stjórnar félagsins, umboðsmanna, verktaka og annarra samstarfsaðila sem starfa eða koma fram undir merkjum TM. Siðareglunum er ætlað að vera stuðningur fyrir starfsmenn TM og aðila er starfa eða koma fram undir merkjum TM komi upp siðferðileg álitamál sem taka þarf afstöðu til.

Markmið

Við sinnum störfum okkar af heiðarleika og förum eftir þeim lögum, reglum og viðmiðum sem gilda um starfsemi félagsins.

Við virðum trúnaðarákvæði í starfssamningum og vinnum samkvæmt reglum TM um meðferð persónuupplýsinga.

Við veitum þeim sem leita til okkar vandaða ráðgjöf og þjónustu sem grundvallast á upplýsingum um aðstæður hvers og eins.

Við höfum það ávallt hugfast að varðveita gott orðspor félagsins, óháð því við hverja við eigum í samskiptum og hvort heldur það er innan eða utan vinnutíma.

Við höfum gildi TM, heiðarleika, sanngirni, einfaldleika og framsækni að leiðarljósi í störfum okkar.

Við sækjum þá fræðslu og þjálfun sem nauðsynleg er til þess að við getum sinnt störfum okkar vel og byggjum þannig upp og viðhöldum faglegri þekkingu m.a. á vörum og þjónustu félagsins.

Þegar við störfum fyrir TM

Við semjum ekki sjálf við þá sem tengjast okkur fjölskyldu- eða vinaböndum en komum málum þeirra í farveg hjá næsta yfirmanni eða þar til bærum aðila innan TM. Þetta á við hvort heldur sem TM er seljandi eða kaupandi vöru eða þjónustu.

Við notfærum okkur ekki aðstöðu okkar sem starfsmenn TM í eiginhagsmunaskyni eða í þágu aðila sem tengjast okkur fjölskyldu- eða vinaböndum.  

Við nýtum ekki upplýsingar sem við höfum aðgang að við framkvæmd starfa í þágu TM til þess að hagnast persónulega.

Við skiljum að fyrirgreiðsla eða gjafir frá viðskiptavinum og þjónustuaðilum geta orkað tvímælis og fylgjum því reglum félagsins þar að lútandi.

Við umgöngumst eigur félagsins af virðingu og nýtum þær ekki í eigin þágu nema með vitund og samþykki næsta yfirmanns.

Hagsmunaárekstrar

Við sýnum hvert öðru virðingu og heiðarleika í samskiptum og kappkostum að eiga góð og heiðarleg samskipti við alla sem leita til okkar og við leitum til vegna starfa okkar fyrir TM.

Við sýnum samkeppnisaðilum okkar virðingu og ábyrgjumst að allar upplýsingar sem frá okkur fara varðandi þá séu réttar og ekki afvegaleiðandi.

Við bendum á það sem betur má fara í starfsemi TM og komum með tillögur um leiðir til úrbóta.

Við bendum á það sem vel er gert í starfsemi TM og gefum okkur tíma til þess að fagna þegar settu marki er náð.

Við eigum málefnaleg skoðanaskipti á jafnréttisgrundvelli en virðum þær ákvarðanir sem teknar eru af stjórnendum félagsins og vinnum samkvæmt þeim enda séu þær í samræmi við siðareglur TM.

Samskipti

Starfsmönnum eru kynntar siðareglur félagsins við upphaf starfs og eftir því sem þurfa þykir. Siðareglurnar eru ávallt aðgengilegar á innri og ytri vef félagsins.

Siðareglur TM eru kynntar fyrir stjórn TM, umboðsmönnum, verktökum og öðrum sem starfa eða koma fram undir merkjum TM og eru þær hluti samnings milli aðila.

Stjórnendur TM eru ábyrgir fyrir innleiðingu og kynningu siðareglna félagsins og beita sér fyrir því að siðareglunum sé fylgt í starfsemi TM.

Verklag við innleiðingu og kynningu siðareglna

Ef við verðum þess áskynja að brotið sé gegn siðareglum TM gerum við viðvart um það og komum málum í farveg innan félagsins samkvæmt fyrirliggjandi ferlum.

Starfsmenn sem gera viðvart um mistök eða afglöp í starfsemi TM eða upplýsa um ætluð brot annarra eru ekki látnir gjalda fyrir það. Þeir eru upplýstir um niðurstöðu mála og njóta nafnleyndar kjósi þeir það og sé þess kostur. Að auki skal gera starfsmönnum kleift með öruggum hætti að tilkynna nafnlaust um slík mistök eða afglöp og er málum þá komið í viðeigandi ferli.

Brot á siðareglum

Siðareglur TM eru leiðbeinandi um samskipti starfsmanna félagsins innbyrðis og samskipti starfsmanna við viðskiptavini TM, birgja og aðra aðila. 

Siða--reglur TM

Samþykktir TM hf. eftir breytingar sem gerðar voru á síðasta hluthafafundi ásamt reglum settum af stjórn félagsins.

Samþykktir félagsins, breytt síðast 18. desember 2019.

Starfsreglur stjórnar, samþykktar 15. febrúar 2019.

Starfsreglur endurskoðunarnefndar, samþykktar 24. janúar 2019.

Starfsreglur starfskjaranefndar, samþykktar 24. janúar 2019.

Reglur TM um viðskipti innherja og meðferð innherjaupplýsinga, samþykktar 24. janúar 2019.

Reglur TM um atkvæðagreiðslu utanhluthafafundar, samþykktar 18. desember 2013.

Samþykktir TM hf. og reglur settar af stjórn félagsins

Sam--þykktir og reglur TM hf.

Regluvörður
Sími: 515 2606
Netfang: gesturom@tm.is

Gestur Óskar Magnússon hdl.

Staðgengill regluvarðar
Sími: 515 2161
Netfang: ragnhildurro@tm.is

Ragnhildur Rorí Ólafsdóttir

Upplýsingar um regluvörð félagsins og staðgengil hans.

Reglu--vörður

Einnig grundvallast stjórnarhættir félagsins á ýmsum stjórnvaldsfyrirmælum, svo sem reglugerðum og reglum útgefnum af Fjármálaeftirlitinu og Kauphöll. Má í því sambandi nefna:

Reglugerð nr.940/2018 um gildistöku reglugerða Evrópusambandsins um vátryggingastarfsemi og vátryggingasamstæður.

Reglur Fjármálaeftirlitsins um eðlilega og heilbrigða viðskiptahætti vátryggingafélaga nr. 673/2017.

Reglur Fjármálaeftirlitsins um skráningu umboðsmanna nr.236/2011.

Reglugerð nr. 630/2005 um innherjaupplýsingar og markaðssvik.

Reglugerð nr. 707/2008 um upplýsingagjöf og tilkynningarskyldu skv. lögum nr. 108/2007 um verðbréfaviðskipti.

Reglur Fjármálaeftirlitsins um meðferð innherjaupplýsinga og viðskipti innherja nr. 1050/2012.

Reglur fyrir útgefendur fjármálagerninga, útgefnar af Nasdaq Iceland hf. 1. júlí 2018.

Leiðbeiningar um stjórnarhætti fyrirtækja útgefnar í maí 2015 af Viðskiptaráði Íslands, Nasdaq Iceland og Samtökum atvinnulífsins.

Að auki byggjast stjórnarhættir félagsins á ýmsum innri reglum sem það hefur sett sér:

Samþykktir TM og reglur settar af stjórn félagsins.

TM fylgir leiðbeiningum um stjórnarhætti fyrirtækja sem Viðskiptaráð Íslands, Nasdaq Iceland hf. (Kauphöll) og Samtök atvinnulífsins hafa gefið út. Félagið víkur þó frá þeim fyrirmælum leiðbeininganna um að hluthöfum skuli gert kleift að taka þátt í hluthafafundi rafrænt að hluta til eða fullu, þ.m.t. að greiða atkvæði án þess að vera á staðnum. Miðað við stærð og samsetningu hluthafahóps félagsins hefur ekki þótt ástæða til að víkja frá núverandi fyrirkomulagi sem fæli m.a. í sér kostnað vegna tæknibúnaðar. Hluthöfum er í staðinn veittur kostur á að greiða atkvæði bréflega eins og hlutafélagalög áskilja.

Stjórn félagsins er kosin á aðalfundi félagsins og skal hún skipuð fimm mönnum og tveimur til vara. Stjórnarmenn skulu fullnægja þeim hæfisskilyrðum sem kveðið er á um í hlutafélagalögum og lögum um vátryggingastarfsemi . Þá skal samsetning stjórnar og varastjórnar félagsins fullnægja þeim kröfum hlutafélagalaga um að tryggt sé að hlutfall hvors kyns í stjórn sé ekki lægra en 40%. Sitjandi stjórn félagsins fullnægir þeim hæfniskröfum sem lög gera. Kröfum um jafnt kynjahlutfall er einnig mætt en í aðalstjórn sitja þrír karlar og tvær konur og í varastjórn karl og kona.

Samkvæmt samþykktum félagsins skal tilnefningarnefnd félagsins meta hvort frambjóðendur til stjórnar á komandi hluthafafundi, þar sem kosning til stjórnar fer fram, teljist óháðir gagnvart félaginu eða hluthöfum sem eiga 10% hlut í félaginu eða meira. Eftir að kosið hefur verið til stjórnar á hluthafafundi skulu einstakir stjórnarmenn að eigin frumkvæði gæta að óhæði sínu eða eftir atvikum stjórnin sjálf, samkvæmt starfsreglum stjórnar TM. Allir núverandi stjórnar- og varastjórnarmenn félagsins teljast óháðir í framangreindum skilningi.

Stjórn félagsins hefur yfirumsjón með starfsemi félagsins og hefur með höndum almennt eftirlit með rekstri félagsins. Starf stjórnar fer almennt fram á stjórnarfundum og skal stjórn félagsins ekki funda sjaldnar en á tveggja mánaða fresti. Þegar einstakir stjórnarmenn eiga þess ekki kost að sækja fundi er þeim heimilt að taka þátt í gegnum síma eða með öðrum fjarskiptabúnaði. Þá er stjórn heimilt að taka einstök mál til meðferðar með rafrænum hætti utan hefðbundins stjórnarfundar. 

Samkvæmt starfsreglum stjórnar skal stjórn félagsins árlega leggja mat á eigin störf og undirnefnda. Skal þá m.a. horft til mats á styrkleika og veikleika í störfum og verklagi, til stærðar og samsetningar, framfylgni við starfsreglur, hvernig undirbúningi og umræðu mikilvægra málefna var háttað, mætingar og framlags einstakra stjórnarmanna.

Sú skylda hvílir á stjórn að sjá til þess að hluthafar geti með aðgengilegum hætti, utan hluthafafunda í félaginu, komið sjónarmiðum sínum og spurningum á framfæri við hana, s.s. á heimasíðu félagsins. Núverandi fyrirkomulag er með þeim hætti að á svæði stjórnar TM á heimasíðu félagsins er hluthöfum bent á að hafa megi samband við stjórn á netfanginu stjorn@tm.is.

Stjórn félagsins

Í stjórnkerfi félagsins starfa tvær undirnefndir stjórnar, endurskoðunarnefnd og starfskjaranefnd.

Endurskoðunarnefnd er önnur tveggja undirnefnda stjórnar TM en stjórn skal eigi síðar en mánuði eftir aðalfund félagsins kjósa þrjá menn til setu í nefndinni. Gert er ráð fyrir því að nefndina skipi að jafnaði þrír stjórnarmenn í félaginu og skuli a.m.k. einn þeirra hafa staðgóða þekkingu og reynslu á sviði reikningsskila eða endurskoðunar. Þá skuli nefndarmenn vera óháðir endurskoðendum félagsins og daglegum stjórnendum þess auk þess sem meirihluti nefndarinnar skal vera óháður félaginu og a.m.k. einn nefndarmanna vera óháður stórum hluthöfum félagsins. Stjórn félagsins er heimilt að kjósa aðra en stjórnarmenn til setu í endurskoðunarnefnd ef ekki er unnt að mæta framangreindum skilyrðum og kröfum um óhæði nefndarmanna. Endurskoðunarnefnd félagsins er nú skipuð stjórnarmönnunum Andra Þór Guðmundssyni og Einari Erni Ólafssyni en Anna Skúladóttir, löggiltur endurskoðandi, situr einnig í nefndinni og gegnir formennsku.

Endurskoðunarnefnd skal hittast að lágmarki fjórum sinnum á ári. Það er hlutverk hennar að hafa eftirlit með reikningsskilum, fyrirkomulagi innra eftirlits félagsins o.fl. Endurskoðunarnefnd hélt sex fundi á árinu 2018 og var nefndin fullskipuð í öllum tilvikum nema einu.

Upplýsingar um starfsreglur endurskoðunarnefndar

Starfskjaranefnd er önnur undirnefnda stjórnar TM en stjórn skal eigi síðar en mánuði eftir aðalfund félagsins kjósa þrjá menn til setu í nefndinni og skulu þeir valdir með hliðsjón af reynslu og þekkingu á viðmiðum og venjum við ákvörðun starfskjara stjórnenda og þýðingu þeirra fyrir félagið. Þá skal meirihluti nefndarmanna vera óháður félaginu og daglegum stjórnendum þess. Stjórn félagsins er heimilt að kjósa aðra en stjórnarmenn til setu í starfskjaranefnd í því skyni að fullnægja framangreindum skilyrðum og óhæði nefndarmanna. Starfskjaranefnd er nú skipuð Kristínu Friðgeirsdóttur stjórnarmanni, sem jafnframt gegnir formennsku, Ragnheiði Elfu Þorsteinsdóttur stjórnarmanni og Atla Atlasyni.

Starfskjaranefnd skal funda að lágmarki tvisvar á ári. Nefndin hefur það hlutverk að undirbúa ákvarðanir stjórnar félagsins um almenna starfskjarastefnu félagsins og um starfskjör forstjóra og stjórnarmanna eins og m.a. er kveðið á um í hlutafélagalögum. Starfskjaranefnd fundaði tvisvar sinnum á árinu 2018 og var nefndin fullskipuð hvoru sinni.

Upplýsingar um starfsreglur starfskjaranefndar

Undirnefndir stjórnar

Forstjóri félagsins ber ábyrgð á daglegum rekstri og fer með ákvörðunarvald í þeim málefnum sem honum tilheyra og ekki eru falin öðrum að lögum. Hinn daglegi rekstur tekur ekki til ráðstafana sem eru óvenjulegar eða mikilsháttar en nánar er kveðið á um valdheimildir forstjóra gagnvart stjórn í ráðningarsamningi hans, áhættuvilja og fjárfestingarstefnu félagsins sem stjórn hefur samþykkt. Forstjóri annast upplýsingagjöf til stjórnar á stjórnarfundum og utan þeirra um rekstur og annað sem stjórn telur þörf á til að geta rækt skyldur sínar.

Forstjóri

Starfsemi félagsins fer fram á fimm sviðum sem heyra undir forstjóra félagsins. Forstjóri og framkvæmdastjórar sviðanna skipa framkvæmdastjórn félagsins.

Nánari upplýsingar um forstjóra og framkvæmdastjórn félagsins

Framkvæmdastjórn

Stefna TM um samfélagsábyrgð felur í sér þrjár meginstoðir: forvarnir, persónuvernd og upplýsingaöryggi og stuðning við vaxtarbrodda samfélagsins. Hlutverk TM er að þjóna einstaklingum, fyrirtækjum og stofnunum með aðstoð við að vera rétt tryggð og koma lífi þeirra og starfsemi fljótt á réttan kjöl eftir áföll. Starfsmenn TM og stjórn félagsins telja að með því að hafa samfélagslega ábyrgð að leiðarljósi í störfum sínum minnki þeir verulega líkur á því að félagið verði fyrir áföllum sem hafi skaðleg áhrif á ímynd þess og orðspor. Samfélagsleg ábyrgð er leiðarljós í daglegri ákvarðanatöku og þannig má hafa jákvæð áhrif á samfélagið, bæta nýtingu auðlinda, auka þekkingu og lækka kostnað. Skýrt leiðarljós um samfélagsábyrgð styður jafnframt við gildi félagsins um heiðarleika og sanngirni.

TM hefur undirritað yfirlýsingu Festu og Reykjavíkurborgar um loftslagsmál og sett sér markmið í þeim efnum til 2030. Markmið félagsins er að minnka kolefnisfótspor sitt um a.m.k. 34% og auka flokkun úrgangs í 98% á tímabilinu. TM hóf skipulegar umhverfismælingar á árinu 2015 en kolefnisfótspor félagsins á árinu 2018 var 1,29 tonn á hvert stöðugildi (2017 var það 1,37 tonn).

Meginmarkmið starfsmannastefnu TM er að félagið hafi á að skipa hæfu, heiðarlegu og framsæknu starfsfólki og að TM veiti starfsfólki sínu sem best skilyrði til að sinna þeim verkefnum sem störf þeirra krefjast og möguleika til þess að vaxa og dafna í starfi. Skýr starfsmannastefna styður félagið í að veita og viðhalda framúrskarandi þjónustu til viðskiptavina og samstarfsfélaga. Hjá TM leggja allir sitt af mörkum til að skapa góðan starfsanda. Það er stefna TM að starfsmönnum líði vel á vinnustað þar sem þeir eru virkir þátttakendur og mæta stuðningi og sanngirni. Samskipti og framkoma starfsmanna einkennist af heiðarleika, virðingu og trausti. Vinnustaðagreiningar eru framkvæmdar reglulega og er markvisst unnið úr niðurstöðum þeirra í því skyni að auka starfsánægju. TM leggur ríka áherslu á kynjajafnrétti og jafnréttismál eru meðal forgangsatriða í þróun og framtíðarsýn félagsins. Hver starfsmaður skal metinn á eigin forsendum óháð kynferði og öll mismunun er óheimil innan félagsins í hvaða formi sem hún birtist. TM hefur haft jafnlaunavottun frá árinu 2014 og var með fyrstu fyrirtækjum til að fá viðurkenningu Jafnréttisvísis Capacent.

Upplýsingar um stefnu um samfélagslega ábyrgð og siðferðisviðmið

Engar ákvarðanir eftirlits- og/eða úrskurðaraðila um brot á lögum eða reglum liggja fyrir gagnvart félaginu á árinu 2018.

Upplýsingar um brot á lögum og reglum sem viðeigandi eftirlits- og eða úrskurðaraðili hefur ákvarðað

Öflug áhættustýring gerir félagið betur í stakk búið til að takast á við og minnka líkur á óvæntum atburðum sem komið geta í veg fyrir að félagið nái markmiðum sínum. Samhæfð áhættustýring TM starfar skv. áhættustýringarstefnu sem samþykkt er af stjórn. Í stefnunni er áhættustýringarferli félagsins skilgreint en þar koma fram hlutverk og verkefni. Stjórn og stjórnendur stýra áhættu félagsins í samræmi við áhættuvilja TM sem inniheldur áhættumörk sem félagið stefnir á að vera innan. Áhættustýring fylgist með og mælir áhættu og upplýsir stjórn félagsins í ársfjórðungslegum áhættuskýrslum um hvort áhættutaka og gjaldþol er innan áhættumarka stjórnar.

Innra eftirlitskerfi félagsins byggist á skýru stjórnskipulagi með aðgreiningu starfa og leiðbeiningum ásamt stjórnkerfi upplýsingaöryggis, allt undir eftirliti innri endurskoðenda. Innra eftirlit miðar að því að tryggja að félagið vinni sem best að rekstrarmarkmiðum sínum og öðrum markmiðum um starfsemina, að allar upplýsingar séu réttar og að fylgt sé gildandi löggjöf í starfsemi félagsins.

Áhættustýring og innra eftirlit

Stjórnarhættir TM hf. eru í samræmi við lög um hlutafélög nr. 2/1995 og lög um vátryggingastarfsemi nr. 100/2016.

Stjórnhátta--yfirlýsing

Hafa má samband við stjórn TM hf. á netfanginu stjorn@tm.is

Örvar tók fyrst sæti í stjórn TM í desember 2012. Hann er fæddur árið 1976 og er sjálfstætt starfandi fjárfestir. Örvar er með BS-gráðu í viðskiptafræði frá Háskóla Íslands og próf í verðbréfaviðskiptum. Örvar starfaði á árunum 1999–2008 hjá Kaupþingi banka og síðar hjá Stodir UK Ltd. Örvar er eigandi Riverside Capital ehf. sem á 1,9% eignarhlut í TM. Engin hagsmunatengsl eru við stærstu viðskiptaaðila eða samkeppnisaðila.

Andri var skipaður í stjórn TM í ágúst 2013. Hann hefur verið forstjóri Ölgerðarinnar Egils Skallagrímssonar ehf., frá árinu 2004. Andri er með cand.oecon.-gráðu í viðskiptafræði frá Háskóla Íslands og lauk árið 2002 MBA-prófi frá Rotterdam School of Management. Andri situr í stjórn Mjallar-Friggjar ehf., Býlisins okkar ehf., Kolefnis ehf., Sólar ehf., Danól ehf., Borgar Brugghúss ehf. og OA eignarhaldsfélags ehf. Hann er einnig í stjórn Ofanleitis 1 ehf., Verzlunarskóla Íslands ses. og Viðskiptaráðs. Hlutafjáreign hans í félaginu nemur 120.000 hlutum. Engin hagsmunatengsl eru við stærstu viðskiptaaðila eða samkeppnisaðila. Andri er fæddur árið 1966.

Einar tók sæti í stjórn TM í mars 2017. Einar starfaði hjá Fjárfestingarbanka atvinnulífsins og Íslandsbanka 1997–2001 og 2004–2009, var forstjóri Skeljungs 2009–2014 og framkvæmdastjóri Arnarlax 2014–2016. Einar er menntaður véla- og iðnaðarverkfræðingur og hefur MBA-gráðu. Einar er stjórnarformaður Terra hf., Löðurs ehf. og Dælunnar ehf. Einar á óbeint 0,79% hlut í TM í gegnum eignarhaldsfélag sitt, Eini ehf., og Stoðir hf. Engin hagsmunatengsl eru við stærstu viðskiptaaðila eða samkeppnisaðila. Einar er fæddur 1973.

Kristín var skipuð í stjórn TM í ágúst 2013. Hún er ráðgjafi og kennari í stjórnunar- og rekstrarfræðum við London Business School. Kristín hefur starfað sem ráðgjafi hjá McKinsey, Intel, Yahoo og öðrum vef- og fjármálafyrirtækjum. Kristín útskrifaðist með BS-gráðu í véla- og iðnaðarverkfræði frá Háskóla Íslands árið 1995, MS-gráðu í fjármálaverkfræði frá Stanford-háskóla árið 1997 og lauk árið 2002 Ph.D. í rekstrarverkfræði frá sama skóla. Kristín situr í háskólaráði Háskólans í Reykjavík, er stjórnarformaður Haga hf. og situr í stjórn Distica hf. og Völku ehf. Kristín er fædd árið 1971. Hlutafjáreign hennar í TM er engin og engin hagsmunatengsl eru við stærstu viðskipta- eða samkeppnisaðila.

Helga Kristín hefur starfað um átta ára skeið sem stjórnandi og lektor við Háskólann á Bifröst. Þar áður starfaði hún sem lögfræðingur hjá Stoðum hf. og kennari við háskólann í Miami. Helga lauk BS-prófi í viðskiptalögfræði og ML-prófi í lögfræði frá Háskólanum á Bifröst, LLM-prófi frá háskólanum í Miami í alþjóðlegum viðskiptarétti og samningagerð og mun ljúka doktorsnámi vorið 2020 frá Fordham University í Bandaríkjunum þar sem hún hefur meðal annars rannsakað fjárfestingar vogunarsjóða og hvaða þættir hafa áhrif á það hvernig þeir beita sér sem hluthafar í skráðum félögum. Helga hefur haldið erindi á fjölmörgum alþjóðlegum ráðstefnum um nýsköpun á sviði lögfræði og fjórðu iðnbyltinguna. Helga Kristín sat í varastjórn TM frá 2012–2015. Hlutafjáreign hennar í TM er engin og engin hagsmunatengsl eru við stærstu viðskipta- og samkeppnisaðila. Helga Kristín er fædd árið 1980

Stjórn

Bjarki Már tók fyrst sæti í stjórn TM í desember 2012. Hann er lögfræðingur að mennt og starfar sem yfirlögfræðingur WOW air ehf. Á árunum 2013–2015 starfaði hann sem lögmaður hjá Hildu ehf. og 2011–2013 var hann yfirlögfræðingur slitastjórna Frjálsa hf. og SPRON hf. Hann situr í stjórn Hylju verktaka ehf. Hlutafjáreign hans í félaginu er engin. Engin hagsmunatengsl eru við stærstu viðskiptaaðila eða samkeppnisaðila. Bjarki Már er fæddur árið 1982.

Bryndís tók sæti í varastjórn TM í mars 2011. Hún er viðskiptafræðingur (cand. oecon.) frá Háskóla Íslands 1989 og með MS í viðskiptafræði frá sama skóla frá 2015. Hún hefur frá árinu 2010 verið forstjóri Happdrættis Háskóla Íslands. Á árunum 2000–2006 var hún framkvæmdastjóri Debenhams á Íslandi, starfaði á fjármálasviði samstæðu Kaupþings banka hf. 2007–2008 og var fjármálastjóri Landfesta hf. á árunum 2008–2010. Hún er stjórnarformaður Ofanleitis 1 ehf. og formaður skólanefndar Verzlunarskóla Íslands. Einnig situr hún í stjórn Regins hf. Hlutafjáreign hennar í TM er engin og engin hagsmunatengsl eru við stóra hluthafa, stærstu viðskiptaaðila eða samkeppnisaðila. Bryndís er fædd árið 1964.

Varastjórn

Starfsreglur starfskjaranefndar 
Starfskjarastefna
Kaupaukakerfi TM

Starfskjaranefnd

Endurskoðunarnefnd

Stjórnarmeðlimir í stjórn TM hf., starfskjaranefnd og endurskoðunarnefnd ásamt starfsreglum.

Stjórn og undir--nefndir

Tilnefningarnefnd hefur það meginhlutverk að tilnefna frambjóðendur til stjórnarsetu í félaginu þegar kosning til stjórnar er á dagskrá hluthafafundar. Tilnefningarnefnd var komið á fót hjá TM hf. með samþykki hluthafafundar 25. október 2018 með breytingum á samþykktum félagsins sem mæla nú fyrir að tilnefningarnefnd skuli skipuð þremur mönnum og skulu tveir þeirra kosnir á aðalfundi. Stjórn félagsins skal skipa þann þriðja eigi síðar en mánuði eftir aðalfund.

Nánar er kveðið á um kjörgengi til tilnefningarnefndar, framboð til nefndarinnar, kosningu nefndarmanna, mat á óhæði þeirra svo og um störf og starfshætti nefndarinnar í starfsreglum hennar sem hluthafafundur skal samþykkja.

Í tilnefningarnefnd voru kosnar á hluthafafundi 25. október 2018 þær Ingibjörg Ösp Stefánsdóttir og Jakobína H. Árnadóttir, sem jafnframt gegnir formennsku, en að auki situr í nefndinni Örvar Kærnested tilnefndur af stjórn félagsins.

Upplýsingar um starfsreglur tilnefningarnefndar.

Tilnefningarnefnd TM hf.

Tilnefningar--nefnd og starfs--reglur

Sigurður hóf störf hjá TM í október 2007. Hann starfaði áður hjá Kaupþingi Líf m.a. sem aðstoðarforstjóri og framkvæmdastjóri fjármála- og tryggingaþjónustu. Sigurður er með BSc. gráðu í viðskiptafræði frá Háskóla Íslands.

Sigurður Viðarsson, forstjóri

Hjálmar hóf störf hjá TM í september 1988 fyrst sem starfsmaður í tjónaþjónustu en varð framkvæmdastjóri hennar árið 2005. Árið 2008 tók Hjálmar við starfi framkvæmdastjóra fyrirtækjaþjónustu TM. Hjálmar er með MBA gráðu frá Háskólanum Reykjavík. 

Hjálmar Sigurþórsson, framkvæmdastjóri trygginga

Kjartan hóf störf hjá TM í janúar 2005 sem lögfræðingur í tjónaþjónustu en hann útskrifaðist sem Cand. jur. frá lagadeild Háskóla Íslands, sama ár. Kjartan varð framkvæmdastjóri tjónaþjónustu í maí 2008 og síðar framkvæmdastjóri einstaklingsráðgjafar og markaðsmála frá september 2016. Hann varð framkvæmdastjóri samskipta í júní 2020.

Kjartan Vilhjálmsson, framkvæmdastjóri samskipta

Markús hóf störf hjá TM á árinu 2008 á sviði Fjárfestinga- og þróunar. Fyrir tíma sinn hjá TM vann hann hjá fjárfestingarfélaginu Stoðum og Landsbankanum. Auk þess hefur Markús setið í stjórn fjölmargra félaga á undanförnum árum. Markús er með BS gráðu í hagfræði frá Háskóla Íslands ásamt því að hafa lokið prófi í verðbréfaviðskiptum

Markús Árnason, framkvæmdastjóri fjárfestinga

Ólöf er Véla- og iðnaðarverkfræðingur (BS) frá Háskóla Íslands og hefur lokið meistaranámi í aðgerðarrannsóknum frá London School of Economics. Ólöf hefur starfað í hálfan annan áratug á íslenskum fjármálamarkaði. Frá árinu 2017 starfaði hún hjá Kviku banka, fyrst sem forstöðumaður stefnumótunar og rekstrarstjórnunar og síðar sem forstöðumaður fjártækni. Ólöf tók við núverandi stöðu í apríl 2020.

Ólöf Jónsdóttir, framkvæmdastjóri fjármögnunar

Óskar hóf störf hjá TM í ágúst 2006 sem framkvæmdastjóri rekstrarsviðs. Óskar er með BSc. gráðu í verkfræði og tölvunarfræði frá Háskóla Íslands og útskrifaðist með MBA gráðu frá Oxford, Said Business School, árið 2005. Óskar hefur verið framkvæmdastjóri fjármála- og rekstrarsviðs TM frá árinu 2008.

Óskar B. Hauksson, framkvæmdastjóri fjármála og reksturs

Upplýsingar um framkvæmdastjóra innan TM hf.

Stjórnarhættir TM hf.

Skipurit TM hf.

Siðareglur TM

Samþykktir og reglur TM hf.

Regluvörður

Stjórnháttayfirlýsing

Stjórn og undirnefndir

Tilnefningarnefnd og starfsreglur

Framkvæmdastjórn

Stjórnar­hættir TM hf.

Skipu­rit TM hf.

Siða­reglur TM

Sam­þykktir og reglur TM hf.

Reglu­vörður

Stjórnhátta­yfirlýsing

Stjórn og undir­nefndir

Tilnefningar­nefnd og starfs­reglur

Framkvæmda­stjórn

Stjórnarhættir TM hf.

Skipurit TM hf.

Siðareglur TM

Samþykktir og reglur TM hf.

Regluvörður

Stjórnháttayfirlýsing

Stjórn og undirnefndir

Tilnefningarnefnd og starfsreglur

Framkvæmdastjórn