Question 1

Skiptir máli hver veldur tjóni á innbúi hjá mér? Hvort það er til dæmis ég, barnið mitt eða gestur?

Accepted Answer

Svo lengi sem um óhapp er að ræða og þú ert með innbúskaskó breytir engu máli hver olli tjóninu.

Question 2

Hvaða hlutir falla undir innbúskaskó?

Accepted Answer

Allt almennt innbú, t.d. raftæki sem er að staðaldri á heimilinu, fellur undir innbúskaskó.

Question 3

Ég þurfti að leita læknisaðstoðar, nær tryggingin mín yfir það?

Accepted Answer

Ef þú ert með Heimatryggingu TM3 eða TM4 getur þú sótt sjúkrakostnað í frítímaslysatrygginguna sem er innifalin í þeim.

Question 4

Er skylda að kaskótryggja bílinn minn?

Accepted Answer

Nei, kaskótrygging er frjáls trygging.

Question 5

Ég er að hugsa um að fara með bílinn til útlanda, gildir kaskótryggingin mín þar líka?

Accepted Answer

Kaskótrygging bílsins gildir á Íslandi og hvar sem er innan EES og í öðrum löndum aðildarfélaga COB í allt að 90 daga frá því að hann er fluttur frá Íslandi. Vakin er athygli á því að tryggingarnar ná ekki yfir þjófnað eða skemmdarverk á bíl erlendis.

Question 6

Hvenær er ekki þörf á því lengur að kaskótryggja bíl?

Accepted Answer

Það veltur helst á verðmæti bílsins og þar er árgerð ekki endilega meginþáttur. Þetta getur verið mismunandi eftir fólk en oft er gott að horfa í markaðsvirði bílsins með hliðsjón af eigin áhættu og verði kaskótryggingarinnar á ársgrundvelli.

Question 7

Er rafhlaðan á rafhjólinu tryggð ef henni er stolið?

Accepted Answer

Já, þar sem rafhlaðan er hluti af rafhjólinu fæst hún bætt ef henni er stolið.

Question 8

Gildir rafhjólatrygging líka fyrir börn?

Accepted Answer

Börn á heimilinu sem eru 13 ára og eldri eru tryggð með rafhjólatryggingu TM.

Question 9

Er rafhjól mitt tryggt með heimatryggingu?

Accepted Answer

Rafmagnshlaupahjól eru innifalin í heimatryggingum vegna þjófnaðar og skemmda ef þú ert með innbúskaskó. Hefðbundin reiðhjól falla undir heimatryggingu upp að vissri upphæð. Hins vegar eru rafhjól yfirleitt talsvert dýrari en það hámark sem heimatryggingin bætir. Þá eru ákveðnir flokkar rafhjóla skráningarskyld ökutæki samkvæmt umferðarlögum og falla þess vegna utan heimatryggingar. Með rafhjólatryggingu getur þú verið viss um að rafhjólið sé tryggt óháð verði og gerð.

Question 10

Eru slysa- og ábyrgðartryggingar tengdar rafhjólum innifaldar í heimatryggingu eða þarf að kaupa þær sérstaklega fyrir rafhjól?

Accepted Answer

Í Heimatryggingu TM1 er ábyrgðartrygging innifalin en engin slysatrygging. Í Heimatryggingu TM2, TM3 og TM4 eru bæði slysa- og ábyrgðartryggingar innifaldar. Athugið þó að ef rafhjólið er með hjálparmótor sem er öflugri en 250W eru slysa- og ábyrgðartryggingar ekki innifaldar í heimatryggingum.

Question 11

Er skylda að tryggja bæði rafhjól og bifhjól og hver er munurinn á þessu tvennu?

Accepted Answer

Rafhjól eru með hjálparmótor sem er að hámarki 250W en létt bifhjól í flokki 1 geta verið með hjálparmótor frá 251–4000W. Hámarkshraði í báðum tilfellum er 25 km/klst. Það er ekki skylda að tryggja rafhjól en reynslan sýnir að það sé afar skynsamlegt. Það sama á við um bifhjól, létt bifhjól í flokki 1 eru skráningarskyld en ekki tryggingaskyld enda er hámarkshraði á þeim 25 km/klst. Létt bifhjóli í flokki 2 eru hins vegar tryggingaskyld.

Question 12

Er hægt að tryggja rafskutlu sem kemst upp í 45 km/klst. með rafhjólatryggingunni?

Accepted Answer

Nei, hámarkshraði á rafhjólum má ekki fara yfir 25 km/klst.

Question 13

Er skylda að tryggja ferðavagna?

Accepted Answer

Er eldsvoði innifalinn í kaskótryggingu ferðavagna?

Question 14

Er eldsvoði innifalinn í kaskótryggingu ferðavagna?

Accepted Answer

Já, eldsvoði er einn af bótaskyldum liðum í kaskótryggingu ferðavagna.

Question 15

Er ferðavagninn innifalinn í tryggingu bílsins?

Accepted Answer

Ferðavagn er ábyrgðartryggður í gegnum ábyrgðartryggingu ökutækisins sem dregur vagninn. Kaskótrygging bílsins gildir hins vegar ekki fyrir ferðavagninn.

Question 16

Fellur tryggingin sjálfkrafa niður við sölu?

Accepted Answer

Nei, þar sem um frjálsa tryggingu er að ræða fáum við ekki tilkynningu um kaup eða sölu ferðavagna. Því er mikilvægt að tilkynna okkur um það.

Question 17

Er heiti potturinn og sólpallurinn innifalinn í sumarhúsatryggingu eða þarf að tryggja það sérstaklega?

Accepted Answer

Það veltur á því hvort að heitur pottur, sólpallur eða aðrar viðbyggingar séu hluti af brunabótamati sumarhússins eða ekki. Ef viðkomandi hlutur er innifalinn í brunabótamati sumarhússins þarf ekki að tryggja hann sérstaklega. Algengt er að heitum potti eða palli sé bætt við eftir að brunabótamatið er gert.

Question 18

Skiptir máli upp á sumarhúsatryggingar hvernig hitunarkerfi ég er með í sumarhúsinu mínu?

Accepted Answer

Já, verðlagning á sumarhúsatryggingum er mismunandi eftir því hvort umer að ræðalokaðeða opiðvatnshitunarkerfi, rafmagnskynt eða óupphitað hús.

Question 19

Hvenær er hægt að sækja um sjúkdómatryggingu?

Accepted Answer

Þú getur sótt um sjúkdómatryggingu þegar þú hefur náð 18 ára aldri.

Question 20

Get ég alltaf breytt tryggingarfjárhæðinni á sjúkdómatryggingunni?

Accepted Answer

Já. Ef þú óskar eftir því að hækka fjárhæðina þarftu að fylla út nýja umsókn og ef þú vilt lækka fjárhæðina fyllir þú út einfalda beiðni.

Question 21

Hvernig virkar sjúkdómatrygging?

Accepted Answer

Sjúkdómatrygging veitir öryggi ef upp koma alvarlegir sjúkdómar. Þeir eru flokkaðir í fjóra flokka og veittar bætur fyrir hvern flokk einu sinni ef upp koma veikindi tengd þeim flokki. Ef bætur hafa fengist úr einum bótaflokki er hægt að fá bætur úr þeim þremur bótaflokkum sem eftir standa. Bótaflokkarnir eru krabbamein, hjarta- og æðasjúkdómar, tauga- og hrörnunarsjúkdómar og aðrir alvarlegir sjúkdómar eða slys.

Gleðilega

hátíð