Það helsta

Allar fréttir

Hér má finna helstu fréttir sem tengjast starfsemi TM

TM fréttir

Nú á dögunum voru tilnefningar til Íslensku vefverðlaunanna 2021 kynntar og var TM tilnefnt í þremur flokkum. Vefsíðan tm.is hlaut tilnefningu í flokki stórra fyrirtækjavefja, vefsala trygginga hlaut tilnefningu í flokki söluvefja og TM appið var tilnefnt sem app ársins.

Tilnefningarnar koma heim og saman við þá áherslu sem TM hefur undanfarin ár lagt á þróun nýrra og þægilegra lausna fyrir viðskiptavini. Segja má að burðarstólparnir þrír í því verkefni séu einmitt þeir sem tilnefndir eru: Stafrænar lausnir á vefnum, sala trygginga á netinu með aðstoð rafræns ráðgjafa og TM appið.

Vefsíðan var hönnuð með þau markmið í huga að gera tryggingamál auðskilin og gegnsæ og að viðskiptavinir geti fengið úrslausn sinna mála þar og þegar þeim hentar. Á tm.is geta viðskiptavinir nýtt sér netspjall með rafrænni auðkenningu sem gerir þeim kleift að fá upplýsingar og ljúka málum sem væri ekki leyfilegt í gegnum hefðbundið netspjall. Þeir geta einnig bókað fjarfund með ráðgjafa, símtal eða heimsókn.

TM er eina tryggingafélag landsins sem býður upp á sölu trygginga á netinu þar sem ferlið allt frá ráðgjöf til uppsagnar hjá öðru félagi er án aðkomu sölumanns. Rafrænn ráðgjafi TM hefur vakið mikla athygli og fær nú viðurkenningu fyrir sín störf.

TM appið sparar viðskiptavinum tíma og fyrirhöfn. Appið gerir þeim kleift að tilkynna tjón og fá bætur samstundis, framkvæma skoðun á bíl, hjóli og rafhjóli þegar þeim hentar í stað þess að gera sér ferð og margt fleira sem eykur þægindi í samskiptum.

TM þakkar þann heiður sem veittur er með tilnefningum til Íslensku vefverðlaunanna og mun halda áfram á stafrænni vegferð sinni og að kynna nýjungar á tryggingamarkaði.

TM hlaut þrjár tilnefningar til Íslensku vefverðlaunanna 2021

Tilnefningar til Íslensku vefverðlaunanna

Vefverðlaun

Við hjá TM vorum að breyta skilmálum kaskótrygginga hjá okkur. Núna ná kaskótryggingar einnig yfir tjón sem verða á rafhlöðu og undirvögnum bifreiða. 

Tryggingin nær til skemmda á rafhlöðu og undirvögnum sem eiga sér stað við venjulegan akstur og til skemmda af völdum hesta, sauðfjár og hreindýra utan afgirts svæðis. Eigin áhætta vegna skemmda á undirvagni og rafhlöðu er sú sama og fyrir aðra bíla.

Ef þú ert með ökutækjatryggingu hjá TM er auðvelt fyrir þig að bæta við kaskótryggingu í TM appinu. Þú getur séð þitt verð strax og fengið allar upplýsingar um trygginguna. Í framhaldinu getur þú framkvæmt kaskóskoðun í gegnum appið með því að taka myndir af bílnum. Í kjölfarið færðu samþykki rafrænt og um leið tekur tryggingin gildi. 

Hér getur þú skoðað frekari upplýsingar um kaskótrygginguna.

Kaskótrygging

Betri kaskótrygging hjá TM

TM hefur í áraraðir stutt við íþróttaiðkun barna og haldið knattspyrnumót fyrir unga iðkendur víða um land á hverju ári. Dagana 10.-12. júní fer TM mótið í Eyjum fram og þar etja kappi rúmlega þúsund stúlkur víðs vegar að af landinu.

TM mótið er meðal stærstu knattspyrnumóta sumarsins og hefur verið haldið árlega frá árinu 1990. Við undirbúninginn í þetta skiptið hefur verið í mörg horn að líta í ljósi heimsfaraldursins og er mótið haldið í góðri samvinnu við aðgerðastjórn almannavarna.

Starfsfólk TM óskar knattspyrnustúlkunum góðs gengis og góðrar skemmtunar. Með myllumerkinu #tmmotid má deila gleðinni og fylgjast með á samfélagsmiðlum.

TM mótið í Eyjum

Áhættumat fyrir líf- og heilsutryggingar hefur hingað til kallað á töluverða pappírsvinnu þar sem skila þarf inn upplýsingum og úrvinnsla getur tekið nokkrar vikur. Til að stytta þetta ferli hefur TM gert samning við SwissRe um sjálfvirkt kerfi þeirra.

SwissRe er endurtryggingaraðili TM og hafa félögin átt náið samstarf í um 20 ár. Kerfið metur sjálfvirkt þær upplýsingar sem umsækjandi gefur fyrir líf- og heilsutryggingar og þannig getur TM stytt umsóknarferlið um margar vikur niður í mínútur. Það þýðir að þeir sem ætla að kaupa líf-, sjúkdóma-, örorku- eða barnatryggingu í vefsölu TM geta nú notað rafræn skilríki og svarað heilsufarspurningunum rafrænt og fengið niðurstöður strax. Ef umsóknin er án athugasemda fer tryggingin beint í sjálfvirka útgáfu, annars fer umsóknin í nánari skoðun hjá áhættumati TM. Þetta rafræna og sjálfvirka ferli styttir biðtímann til muna.

SwissRe hefur verið í fararbroddi í nýsköpun í sjálfvirkni í tryggingasölu síðastliðin ár. Kerfi SwissRe er byggt á Life Guide handbók sem inniheldur allar nýjustu læknisfræðilegar rannsóknir. Þar með er mat hvers einstaklings byggt á nýjustu læknisfræðilegum upplýsingum, líffræðilegum áhættum og rannsóknum. Þúsundir tryggingafélaga leita í grunn Life Guide árlega til að afla sér slíkra upplýsinga.

„Við höfum átt í löngu og farsælu sambandi við SwissRe og þetta sjálfvirka sölutryggingarferli passar fullkomlega við stafræna stefnu TM. Það gerir okkur kleift að kynna nú eina fullkomnustu sjálfvirku sölutryggingargátt í Evrópu. Það er mjög mikilvægt að geta stytt umsóknarferlið fyrir okkar viðskiptavini ásamt því að gera það aðgengilegt og þægilegt“, segir Hjálmar Sigurþórsson framkvæmdastjóri trygginga hjá TM.

Bylting við kaup á líf- og heilsutryggingum í vefsölu TM

Líf- og heilsutryggingar

Eins og komið hefur fram í fjölmiðlum er stefnt að sameiningu TM og Kviku banka á næstunni. Með sameiningunni verður til sterkt fjármálafyrirtæki sem er í stakk búið að auka samkeppni og bjóða viðskiptavinum sínum upp á fjölbreytta þjónustu á öllum helstu sviðum fjármála- og tryggingaþjónustu.

Sameiningin hefur engin áhrif á viðskiptavini TM eða samstarfsaðila og þeir þurfa ekki að gera neinar ráðstafanir vegna hennar. Við hlökkum til að þjónusta viðskiptavini TM áfram með sínar tryggingar og síðan enn víðtækari fjármálaþjónustu í framtíðinni.

Eins og komið hefur fram í fjölmiðlum er stefnt að sameiningu TM og Kviku banka á næstunni.

Sameining TM og Kviku banka

Sameining TM og Kviku var endanlega samþykkt á hluthafafundum félaganna fyrr í dag. Með sameiningunni verður til sterkt fjármálafyrirtæki sem er í stakk búið að auka samkeppni og bjóða viðskiptavinum sínum upp á fjölbreytta þjónustu á öllum helstu sviðum fjármála- og tryggingaþjónustu.

„Félagið verður fjárhagslega sterkt fyrirtæki með breiðan tekjugrunn sem mun geta boðið viðskiptavinum sínum upp á fjölþætta þjónustu á öllum helstu sviðum fjármála- og tryggingaþjónustu. Við sjáum veruleg tækifæri felast í því að tengja saman mismunandi vörur til þess að auka þjónustu og einfalda líf fólks og hlökkum til að takast á við framtíðina saman“ segir Sigurður Viðarson forstjóri TM trygginga. 

Sameining TM og Kviku var endanlega samþykkt á hluthafafundum félaganna fyrr í dag