Það helsta

Allar fréttir

Hér má finna helstu fréttir sem tengjast starfsemi TM

TM fréttir

Við hjá TM leggjum ríka áherslu á að styðja við jákvæð samfélagsverkefni, sérstaklega þau sem stuðla að heilbrigðum lífsstíl og samveru fjölskyldunnar. Þess vegna gleður okkur að halda, í samstarfi við Frjálsíþróttasamband Íslands, Fjölskylduhlaup TM

Klukkan hvað? Upphitun með VÆB kl. 11:00. Hlaupið hefst kl. 11:15.

Hvað kostar? Ekki neitt. Öll börn fá glaðning og íþróttanammi þegar þau koma í mark.

Hlaupið er um fallega 1,5 km langa náttúruleið í Elliðaárhólmanum og er val um að fara einn eða tvo hringi. Þetta verður skemmtilegur dagur fyrir alla fjölskylduna: Útivera, hreyfing og gleði. Öll eru velkomin hvort sem er til að hlaupa, skokka, labba eða bara hvetja þátttakendur áfram. Það er vel þegið ef þau sem hafa tök á geti mætt gangandi, hjólandi eða með strætó svo sem flest sem þurfa á því að halda geti nýtt sér bílastæðin.

Hægt verður að sækja hlaupanúmer í H verslun sem staðsett er á Bíldshöfða 9, í vikunni fyrir hlaupið en einnig á hlaupadeginum sjálfum.

FJölskylduhlaup TM í samstarfi við FRÍ

Það gleður okkur að bjóða í Fjölskylduhlaup TM og Frjálsíþróttasambands Íslands.

Fjölskylduhlaup með VÆB

Útibú og skrifstofa TM verður lokuð yfir páskana eða frá fimmtudeginum 17. apríl til mánudagsins 21.  Við opnum aftur þriðjudaginn 22. apríl, sjá afgreiðslutíma úibúa hér. 

Við minnum á að þjónusta okkar á tm.is er alltaf opin. Þar getur þú fengið ráðgjöf og svör við algengum spurningum hjá spjallmenni eða fengið tilboð í tryggingarnar þínar.  Í TM appinu finnur þú yfirlit yfir tryggingarnar þínar, hvað þær innifela, iðgjöld og margt fleira. 

Þurfir þú aðstoð strax vegna tjóns er neyðarþjónusta TM alltaf opin í síma 800-6700

Við óskum öllum gleðilegrar páskahátíðar! 

Við óskum viðskiptavinum okkar og landsmönnum öllum gleðilegra páska!

Afgreiðslutími yfir páskana

Hjá TM er samfélagsábyrgð órjúfanlegur hluti af starfseminni. Á hverju ári styðjum við fjölbreytt samfélagsverkefni sem stuðla að jákvæðum áhrifum og leggjum sérstaka áherslu á forvarnir, heilbrigðan lífsstíl og vellíðan barna og ungmenna. 

Íþróttastarfsemi barna og unglinga hefur lengi verið okkur hjartans mál enda liggur þar gríðarlegt gildi fyrir bæði líkamlega og andlega heilsu sem og félagslega tengslamyndun, sjálfstraust og samstöðu. Það er einmitt sökum þess sem við erum stolt af því að vera bakhjarl Skólahreysti. 

Skólahreysti hefur á undanförnum árum þróast í að vera einn stærsti vettvangur landsins fyrir hreyfingu og jákvætt félagslegt umhverfi meðal grunnskólanema. Verkefnið sameinar skólabörn úr öllum landshlutum og gefur þeim tækifæri til að prófa styrk, úthald og liðsheild á skemmtilegan og uppbyggilegan hátt.

Við hlökkum til að taka þátt í þessu öfluga verkefni og leggja okkar af mörkum til að efla enn frekar heilbrigði og jákvæða hreyfingu meðal ungs fólks á Íslandi.

Íþróttastarfsemi barna og unglinga hefur lengi verið okkur hjartans mál, enda liggur þar gríðarlegt gildi fyrir bæði líkamlega og andlega heilsu – sem og félagslega tengslamyndun, sjálfstraust og samstöðu. Það er einmitt í þeim anda sem við erum stolt af því að kynna samstarf okkar við Skólahreysti.

TM er stoltur stuðningsaðili Skólahreysti!

Við styðjum við heilbrigðan lífsstíl, forvarnir og hreyfingu meðal barna og ungmenna um allt land.

TM er stoltur stuðnings--aðili Skólahreysti!

Við hjá TM viljum vara við svikapóstum sem verið er að senda í okkar nafni. Í honum er viðtakanda bent á að smella á hlekk til að uppfæra upplýsingar fyrir greiðslu. Við sendum aldrei hlekki í tölvupóstum til þess að biðja um slíkt. 

Við hvetjum öll til að sýna aðgát og lesa tölvupósta og skilaboð vel – skoðið sérstaklega hver sendandinn er og smellið ekki á hlekki án þess að vera viss um að pósturinn sé öruggur.

Með góðri kveðju frá starfsfólki TM

Viðvörun: Svikapóstar í umferð

Við hjá TM viljum vara við svikapóstum sem verið er að senda í okkar nafni. Í honum er viðtakanda bent á að smella á hlekk til að uppfæra upplýsingar fyrir greiðslu

Hreyfing og samvera skipta okkur hjá TM miklu máli. Þess vegna höfum við í áratugi stutt af krafti við íþróttastarf barna og ungmenna – og það með stolti.

Við gerum það meðal annars með því að standa fyrir skemmtilegum og stórum íþróttaviðburðum eins og TM mótunum okkar, halda fjölskylduhlaup og styðja við alls kyns íþróttahreyfingar víðs vegar um landið.

Eitt TM mótanna fór fram nú í apríl í samvinnu við Stjörnuna, þar sem um 4.200 börn mættu og fylltu Garðabæ af lífi og fjöri. Ungu knattspyrnuhetjurnar stóðu sig frábærlega og fengu öll legghlífar að gjöf frá TM að loknu móti. 

Við vonum að þátttakendur og fjölskyldur þeirra hafi skemmt sér vel og þökkum Stjörnunni kærlega fyrir frábært samstarf.

Ungu knattspyrnuhetjurnar stóðu sig frábærlega og fengu öll legghlífar að gjöf frá TM að loknu móti.

TM mótið

Ungu knattspyrnuhetjurnar stóðu sig frábærlega og fengu öll legghlífar að gjöf frá TM að loknu móti. 

TM mótinu lokið

TM mótið í Garðabæ

Við hjá TM styðjum árlega við fjölbreytt samfélagsverkefni sem hafa jákvæð áhrif, sérstaklega þegar kemur að forvörnum. Við höfum í áratugi lagt ríka áherslu á íþróttastarf barna og unglinga, enda eru forvarnargildi þess og jákvæð áhrif hreyfingar óumdeilanleg og nánast óteljandi.

Það verður sannkallað líf og fjör í Garðabæ um helgina þegar yngsta og krúttlegasta íþróttafólk landsins tekur þátt í TM móti Stjörnunnar.

Við búumst við um 4.200 börnum, á aldrinum fjögurra til tíu ára, alls staðar að af landinu – ásamt fjölskyldum þeirra – sem fylla bæinn af gleði og lífi.


Við óskum þátttakendum og forráðamönnum góðrar skemmtunar á íþróttamótum í sumar!

TM mót Stjörnunnar

Líf og fjör á TM móti

Vegna kerfisuppfærslu verður þjónusta okkar á vef tm.is og TM appi lokuð frá kl. 16:00 föstudaginn 21. mars til kl. 16:00 laugardaginn 22. mars. Þá má búast við truflunum á símtölum og tölvupóstum mánudaginn 24. mars. 

Við biðjumst velvirðingar á hvers konar óþægindum sem lokunin kann að valda. Við viljum benda á að neyðarþjónusta TM er alltaf opin í síma 800-6700 ef aðstoð er þörf vegna tjóns.

Vegna kerfisuppfærslu verður þjónusta okkar á vef tm.is og TM appi lokuð frá kl. 16:00 föstudaginn 21. mars til kl. 16:00 laugardaginn 22. mars. 

Tímabundin lokun á sjálfsafgreiðslulausnum 

Tímabundin lokun á veflausnum og appi

Vegna kerfisuppfærslu verður þjónusta okkar á vef tm.is og TM appi lokuð frá kl. 16:00 föstudaginn 21. mars til kl. 16:00 laugardaginn 22. mars.

Útibú TM og Landsbankans á Akureyri, Reykjanesbæ og Vestmannaeyjum munu sameinast mánudaginn 24. mars næst komandi og þar með geta viðskiptavinir sótt sér trygginga- og bankaþjónustu á einum og sama staðnum. Vegna flutninganna munu útibúin okkar loka klukkan 12:00 föstudaginn 21. mars. Þjónusta verður áfram veitt í síma og netspjalli.

Með því að sameina útibúin mun starfsfólk TM og Landsbankans geta unnið hlið við hlið og þannig veitt enn betri og fjölbreyttari þjónustu. Útibúin eru opin frá kl. 10-16 alla virka daga.

Útibú TM og Landsbankans á Akureyri er við Hofsbót 2.

Útibú TM og Landsbankans í Reykjanesbæ er við Krossmóa 4a.

Útibú TM og Landsbankans í Vestmannaeyjum er við Bárustíg 15.

Þá er gert ráð fyrir að í maí flytji höfuðstöðvar TM úr Höfðatorgi í Hafnartorg í miðbæ Reykjavíkur og mun starfsfólkið nýta mötuneyti og ýmsa sameiginlega aðstöðu í Reykjastræti 6 með starfsfólki Landsbankans. 

Við hlökkum til að taka á móti ykkur!

Útibú TM og Landsbankans á Akureyri, Reykjanesbæ og Vestmannaeyjum munu sameinast mánudaginn 24. mars næst komandi og þar með geta viðskiptavinir sótt sér trygginga- og bankaþjónustu á einum og sama staðnum.

Útibú TM og Landsbankans sameinast

Á hluthafafundi sem haldinn var í dag föstudaginn, 28. febrúar 2025, voru gerðar breytingar á stjórn TM trygginga hf. Á stjórnarfundi sem haldinn var í kjölfarið var Ásta Þórarinsdóttir kjörin formaður stjórnar.

Fráfarandi stjórnarmönnum og varamönnum í stjórn er þakkað fyrir góð störf í þágu TM. 

Hér má lesa nánar um stjórnarmeðlimi TM 

Á hluthafafundi sem haldinn var í dag föstudaginn, 28. febrúar 2025, voru gerðar breytingar á stjórn TM trygginga hf. Fráfarandi stjórnarmönnum og varamönnum í stjórn er þakkað fyrir góð störf í þágu TM. 

Breytingar á stjórn TM

Breytingar í stjórn TM

Uppgjör og afhending vegna kaupa Landsbankans á TM tryggingum hf. af Kviku banka fór fram í dag og hefur Landsbankinn tekið við rekstri félagsins. TM verður rekið sem dótturfélag Landsbankans.

„Við hjá TM erum virkilega spennt að ganga til liðs við Landsbankann. Viðskiptavinir Landsbankans hafa um árabil verið meðal ánægðustu viðskiptavina á íslenskum bankamarkaði og TM hefur á undanförnum misserum stigið afgerandi skref í átt að sama marki á tryggingamarkaði. Ég er sannfærður um að þegar við snúum bökum saman munu TM og Landsbankinn veita viðskiptavinum sínum framúrskarandi alhliða fjármálaþjónustu, hjálpa þeim að vaxa og dafna og grípa þá þegar áföll verða.“

Lilja Björk Einarsdóttir, bankastjóri Landsbankans:

„TM er öflugt tryggingafélag með frábæru starfsfólki sem býr yfir mikilli þekkingu á tryggingamarkaði. Við hlökkum til að vinna með starfsfólki TM að því að þróa spennandi nýjungar. Saman búa Landsbankinn og TM yfir öflugu þjónustu- og söluneti, hvort sem er í gegnum reynslumikið starfsfólk, stafrænar lausnir eða í útibúum um allt land. Við sjáum fyrir okkur gott aðgengi viðskiptavina að vörum og þjónustu beggja félaga sem skapar bankanum og TM mörg tækifæri til sóknar. Við teljum auk þess að kaup bankans á TM muni hafa jákvæð áhrif á rekstur bankans, fjölga tekjustoðum og auka ávinning eigenda bankans til framtíðar. Landsbankinn og TM verða betri saman!“

Viðskiptavinir TM munu geta treyst því að fá áfram framúrskarandi þjónustu frá starfsfólki félagsins þegar kemur að ráðgjöf um tryggingar og tjónaþjónustu. Breytt eignarhald kemur ekki til með að hafa áhrif á almenna starfsemi félagsins að svo stöddu en á sama tíma hlökkum við til að skoða þau tækifæri sem munu bjóðast með þessum breytingum. 

TM mun eftir sem áður leggja allt kapp á að gera viðskiptavinum sínum mögulegt að vaxa og dafna sama hvar þeir eru í lífinu og grípa þá þegar áföll verða.

Uppgjör og afhending vegna kaupa Landsbankans á TM tryggingum hf. af Kviku banka fór fram í dag og hefur Landsbankinn tekið við rekstri félagsins. TM verður rekið sem dótturfélag Landsbankans. TM mun eftir sem áður leggja allt kapp á að gera viðskiptavinum sínum mögulegt að vaxa og dafna sama hvar þeir eru í lífinu og grípa þá þegar áföll verða.

TM og Landsbankinn verða betri saman!

TM og Landsbankinn verða betri saman

TM og Landsbankinn

Samkeppniseftirlitið hefur samþykkt kaup Landsbankans á öllu hlutafé í TM tryggingum hf., með því skilyrði að bankinn geri sátt við eftirlitið.

Samkvæmt sáttinni skuldbindur Landsbankinn sig til að tryggingakjör TM verði ekki bundin því að laun viðskiptavina séu greidd inn á reikning hjá bankanum. Með þessu eru skilyrði kaupsamningsins varðandi samþykki eftirlitsins uppfyllt. Gert er ráð fyrir að bankinn taki formlega við TM eftir að uppgjör við Kviku banka hf. fer fram 28. febrúar næstkomandi.


TM mun eftir sem áður leggja leggja allt kapp á að veita veita viðskiptavinum framúrskarandi ráðgjöf og tjónaþjónustu.
​
Nánari upplýsingar má finna á vef samkeppniseftirlitsins.

Samkeppniseftirlitið samþykkir kaup Landsbankans á TM 

Kaup Landsbankans á TM

Samkeppniseftirlitið hefur samþykkt kaup Landsbankans á TM 

Samkeppnis--eftirlitið samþykkir kaup

Samkeppniseftirlitið hefur samþykkt kaup Landsbankans á TM

Við hjá TM viljum benda á veðurspár Veðurstofu Íslands sem spáir asahláku víða um land. Asahláka er þegar snjór bráðnar mjög hratt vegna hlýinda og veldur því að mikið yfirborðsvatn myndast á skömmum tíma. Þá getur orðið flughált og hætta á vatnstjónum þar sem niðurföll hafa ekki undan. 

Við hvetjum öll til þess að skella sér út og athuga niðurföll í kringum sínar fasteignir og hreinsa frá þeim snjó og klaka. En farið varlega og gott er að hafa á sér mannbrodda því það gæti verið flughálka!



Dæmi um staði sem er nauðsynlegt að hreinsa snjó, klaka og óhreinindi:

Niðurföll nærri húsum. Snjór og klaki á það til að bráðna fyrst meðfram útvegg. Ef vatnið fær ekki greiða leið í átt frá húsinu þá eru líkur á að það safnist saman og þrýstist inn í sprungur á veggjum.

Þakrennur og niðurföll við þakrennur.

Það getur verið gott að setja salt við niðurföll.

Göngum varlega, góð regla er að ganga eins og mörgæs: taka stutt skref, halla sér aðeins fram og halda höndum út fyrir jafnvægi.

Förum ekki af stað nema á vel búnum ökutækjum. Sumardekk eru ekki sniðug í þessari færð. 

Sanda eða salta við innganga getur komið í veg fyrir mikla hálku þar. 

Gott er að hafa í huga að hreinsa vel klaka og grýlukerti við innganga og þakbrúnir. Ekki láta börn sofa úti undir grýlukertum eða þar sem snjór gæti runnið af þaki.

Við hjá TM leggjum okkur fram við að grípa viðskiptavini okkar þegar eitthvað kemur fyrir. Ekki hika við að leita til okkar ef eitthvað er og við aðstoðum þig! Al­menna regl­an er sú að skemmd­ir vegna ut­an­að­kom­andi vatns eru ekki bóta­skyld tjón, en þó eru skemmd­ir vegna asa­hláku eða úr­hell­is­rign­ing­ar und­an­skyld­ar.
Hér má finna upplýsingar um viðbrögð við tjónum en þau geta verið mismunandi eftir alvarleika og eðli tjónsins. 


Veðurstofa spáir asahláku víða á landinu

Hvað er asahláka?

Asahláka

Varað við asahláku víða um land. Hvað er asahláka?

Við hjá TM viljum vekja athygli á veðurviðvörunum frá Veðurstofu Íslands. Rauðar viðvaranir hafa verið gefnar út fyrir meirihluta landsins. 
Til þess að tryggja öryggi starfsfólks verða útibú TM lokuð til klukkan 13:00 fimmtudag 6. febrúar. Þrátt fyrir lokanir verður að sjálfsögðu hægt að hafa samband við okkur í síma, netspjalli eða með tölvupósti samkvæmt hefðbundnum opnunartíma. Neyðarsími vegna tjóna er svo alltaf opinn í síma 800-6700. Við hvetjum öll til þess að ganga vel frá lausum hlutum utandyra til þess að koma í veg fyrir tjón. En farið varlega og ekki hika við að leita til okkar ef eitthvað er.

Hreinsaðu vel frá niðurföllum og rennum, svo vatn renni í ræsi en ekki inn í fasteign.

Gakktu úr skugga um að allir gluggar og hurðir séu vel lokaðir – annars geta þeir fokið upp eða jafnvel af.

Tryggðu að lausir hlutir utandyra séu festir eða teknir inn, t.d. grill, útihúsgögn og blómapottar.

Nánari upplýsingar um viðbúnað vegna óveðurs má finna á vef Almannavarna. Þær eru fljótlesnar og geta komið í veg fyrir slys og eignatjón.

Ef eitthvað kemur fyrir
Við hjá TM leggjum okkur fram um að grípa viðskiptavini okkar þegar eitthvað kemur fyrir. Ef þú þarft aðstoð skaltu ekki hika við að hafa samband. Neyðarsími vegna tjóna er opinn allan sólarhringinn í síma 800-6700. Þú getur einnig tilkynnt tjón á vefnum okkar eða í appinu hvenær sem er.

Notaðu inniveruna til að auka öryggi heimilisins
Við vonum að þú getir notið inniverunnar á meðan veðrið gengur yfir. Ef þú vilt nýta tímann til að fara yfir öryggisvörur heimilisins, þá bjóðum við viðskiptavinum allt að 30% afslátt af öryggisvörum hjá Eldvarnamiðstöðinni, auk frírrar heimsendingar. Kíktu á úrvalið á TM-síðunni hjá Eldvarnamiðstöðinni. 


Veðurstofa spáir mjög slæmu veðri um allt land

Góð ráð fyrir óveður

Nú er það rautt!

Veðurviðvaranir um allt land, farið varlega

Íslenska Sjávarútvegssýningin, Icefish 2024, fór fram dagana 18. - 20. september í Fífunni. Á sýningunni var hægt að sjá allt það nýjasta í þróun á vörum og þjónustu í sjávarútvegi. 

TM er leiðandi í tryggingaþjónustu fyrir íslenskan sjávarútveg. Allt frá stofnun fyrirtækisins árið 1956 hefur fyrirtækið sérhæft sig í lausnum sem tryggja hagsmuni atvinnugreinarinnar jafnt á sjó sem landi. Hjá okkur starfar sérstakt sjávarútvegsteymi sem hefur yfirburðaþekkingu á sjávarútvegi og sérstökum þörfum hans á sviði trygginga. 

Við hjá TM tókum því að sjálfsögðu þátt í sýningunni og þökkum viðskiptavinum okkar ásamt öðrum gestum kærlega fyrir komuna á básinn okkar. 

Á sýningunni voru Íslensku sjávarútvegsverðlaunin veitt í samstarfi við matvælaráðuneytið og Kópavogsbæ þar sem TM hlaut verðlaun fyrir besta sýningabásinn. 

Samhliða sýningunni stóðum við fyrir fræðslufundi um tryggingar fyrir skipaeigendur gegn sjóréttarkröfum (e. Protection & Indemnity)

Á mælendaskrá voru Einar Baldvin Axelsson hjá LOGOS, en hann er einn helsti sérfræðingur landsins í sjórétti. Auk hans voru mættir þeir Matthew Ginman og Richard Maile frá tryggingafélaginu British Marine í London en þeir eru báðir með áralanga reynslu á þessu sviði og loks Alan Edwards frá vátryggingamiðluninni Howden en hann hefur þjónustað TM með þessar tryggingar vel á annan áratug. Fundurinn var afar vel sóttur, við þökkum gestum kærlega fyrir komuna og gagnlegar umræður um þessa mikilvægu tryggingavernd.

TM hlaut verðlaun á Sjávarútvegssýningunni og stóð fyrir fræðslufundi

Sjávarútvegssýningin 2024

TM stóð fyrir fræðslufundi og hlaut verðlaun á sýningunni

Sjávarútvegs--sýningin 2024

Í gær fór fram afhending Hvatningarverðlauna TM og Sjávarútvegsráðstefnunnar. Hvatningarverðlaunin hafa það hlutverk að hvetja ung fyrirtæki og frumkvöðla til dáða með það að markmiði að stuðla að nýbreytni og vekja athygli almennings á gildi nýsköpunar og þróunar í sjávarútvegi. Dómnefnd veitti þremur verðugum verkefnum viðurkenningu að þessu sinni, auk verðlaunanna. Björk Viðarsdóttir framkvæmdastjóri þjónustu hjá TM afhenti verðlaunin á Sjávarútvegsráðstefnunni í Hörpu í dag. 

LearnCove hlaut viðurkenningu og Hvatningarverðlaunin í ár. 

LearnCove er nýsköpunar- og hugbúnaðarfyrirtæki sem hefur frá árinu 2016 unnið að þróun hugbúnaðar sem gerir íslenskum sjávarútvegsfyrirtækjum kleift að halda utan um fræðslu, gæðaferli og úttektir í einum hugbúnaði. Sérstaða fyrirtækisins felst í því að hjálpa viðskiptavinum að búa til fræðslunet byggt á þeirra sérþekkingu eða vörum. Með bættri fræðslu og skýrara utanumhaldi gæðamála geta sjávarútvegsfyrirtæki fækkað slysum og skemmdum á búnaði. LearnCove leggur sitt af mörkum til sjálfbærni með fækkun hráefnistjóna og allt fræðsluferli er rafrænt. Hugbúnaðurinn er með sjálfvirkan tungumálastuðning  á 136 tungumálum. Fyrirtækið er nú að taka sín fyrstu skref inn á erlendan markað. LearnCove er dæmi um íslenskt hugvit í sjávarútvegi sem getur gagnast á öllum stigum virðiskeðjunnar i því skyni að bæta nýtingu sjávarafurða, auka sjálfbærni og styrkja framleiðni.

Þá hlutu Ankeri Solutions og Aurora Abalone sérstakar viðurkenningar fyrir sín verkefni. 

Ankeri Solutions fyrir að þróa hugbúnaðarlausn fyrir fyrirtæki sem eiga og reka flutningaskip. Hugbúnaðarlausnin Ankeri hjálpar rekstraraðilum flutningaskipa að nota gögn til að finna það skip sem hentar best fyrir þeirra flutninga, með því að samþætta gögn sem lýsa skipum, höfnum og flutningaleiðum með rekstrargögnum skipa. Með þessu móti geta rekstraraðilar lágmarkað heildar kostnað sinn við flutninga og á sama tíma dregið úr kolefnisfótspori fyrirtækisins. Meðal viðskiptavina Ankeris er Hapag-Lloyd í Þýskalandi sem er fimmta stærsta gámaflutningafyrirtæki í heimi. Ankeri hlaut verðlaunin „Maritime Start-up Award 2022“ á SMM skipatæknisýningunni í Hamborg í fyrra, ásamt því að vera tilnefnt til „Start-up of the Year“ á „Martime Decarbonisation Awards” nú í September.

Aurora Abalone (áður Sæbýli) fyrir þróun í sæeyrnaeldi.  Fyrirtækið hefur með seiglu byggt upp nýstárlega tækni og lausnir sem nýta auðlindir úr nærumhverfinu til þess rækta upp verðmæta, fágæta vöru. Aðgangur að jarðvarma, þörungum, hreinum sjó og hreinu vatni gerir staðsetningu þeirra ákjósanlega fyrir framleiðsluna. Fyrirtækið er nú á fyrstu metrunum í uppskölun á ræktuninni þar sem aðferðum sem hafa verið lengi í þróun verður beitt í magnframleiðslu á sæeyrum af gerðinni Ezo og California Red. Þessar tegundir eru eftirsóttar af matgæðingum. Tæknin sem hefur verið þróuð líkist í raun að mörgu leiti lóðréttum gróðurhúsum. Fyrirtækið er gott dæmi um hvar þrautseigja og hugsjón getur orðið til þess að byggja upp störf og ábatasöm fyrirtæki með nýsköpun.

Dómnefnd skipuð sex einstaklingum úr sjávarútvegsfyrirtækjum, rannsóknastofnunum, tæknifyrirtækjum og þjónustuaðilum við sjávarútveginn lagði mat á innsendar tillögur.

Björk Viðarsdóttir, framkvæmdastjóri þjónustu hjá TM: 

„Mikilvægi nýsköpunar og þróunar fyrir íslenskan sjávarútveg er ótvírætt og við hjá TM erum stolt af því að geta hvatt þau verkefni sem þykja skara fram úr til dáða. Það hefur verið virkilega verðmætt fyrir TM, sem hefur frá upphafi sérhæft sig í ráðgjöf og tjónaþjónustu fyrir sjávarútveg, að fá innsýn í þá nýsköpun sem á sér stað í greininni. Við óskum fyrirtækjunum innilega til hamingju og þökkum  dómnefnd fyrir gott samstarf.”

Aðalheiður Hreinsdóttir, framkvæmdastjóri og stofnandi LearnCove:

„Það er mikill heiður að fá þessa viðurkenningu. Við erum þakklát fyrir allt það traust sem fyrirtæki í sjávarútvegi hafa veitt okkur í þessari vegferð. Við hlökkum til vinna áfram með þeim í að efla mannauðinn, bæta öryggi, vinna að sjálfbærni og gæðum afurða.”

TM óskar fyrirtækjunum þremur innilega til hamingju.

LearnCove hlýtur Hvatningarverðlaun TM og Sjávarútvegsráðstefnunnar 2023

Hvatningarverðlaun TM

Hvatningar--verðlaun TM

Við hjá TM ásamt RARIK munum taka yfir öll samskipti og umsýslu vegna tjónstilkynninga tækja sem eyðilögðust í víðtæku rafmagnsleysi þann 2. október síðastliðinn.

Truflun varð á flutningsneti Landsnets í kjölfar útleysingar hjá Norðuráli með þeim afleiðingum að víða var rafmagnslaust í nokkra klukkutíma. Fjöldi raftækja viðskiptavina RARIKS skemmdust þennan dag. RARIK mun greiða fólki bætur vegna þessa tækja.

TM mun hafa samband við viðskiptavini RARIKS sem hafa þegar tilkynnt tjón vegna afgreiðslu málsins og óska eftir frekari upplýsingum um tjónið ef þörf er á. Fyrir frekari fyrirspurnir eða gögn vegna tjónsins hvetjum við þig að hafa samband við okkur með tölvupósti á rarik@tm.is, kíkja við í útibú okkar eða hringja í okkur í síma 515 2000 og við aðstoðum þig. 

Ef þú hefur ekki þegar tilkynnt tjón sem varð á þínu tæki hvetjum við þig til þess að hafa samband við RARIK. Tilkynna má tjón hér eða senda tilkynningu á rarik@tm.is.

RARIK og TM munu kappkosta að koma í veg fyrir frekari tafir á afgreiðslu mála. Breytingarnar eru gerðar með hagsmuni viðskiptavina RARIK að leiðarljósi og vilja RARIK og TM gera sitt besta til að tryggja farsæla lausn á öllum málum.

Ónýt tæki
RARIK mun greiða viðskiptavinum sínum bætur fyrir ónýt tæki í samræmi við verð á nýju tæki í sambærilegum gæðaflokki. Tekið skal fram að ekki er skylt að nýta bótafé til að kaupa ný tæki.

Biluð tæki en ekki ónýt
RARIK mun greiða bætur vegna tækja sem hafa bilað í kjölfar truflunarinnar en hægt er að gera við, þ.e.a.s. vegna varahluta og vinnu við viðgerðir. Bilanir á tækjum skal tilkynna eins og hvert annað tjón. Viðskiptavinir eru beðnir um að senda allar kvittanir vegna viðgerða og varahluta á rarik@tm.is svo hægt sé að taka þær inn í úrvinnslu tilkynninga.

Tímamörk tilkynninga
Alvarlegar rafmagnstruflanir geta haft þau áhrif að raftæki geta orðið viðkvæm og þau bilað einhverjum vikum eða mánuðum síðar. Hægt er að bæta við tjónstilkynningar til TM eftir á, jafnvel eftir að bætur hafa verið greiddar.  RARIK hefur ákveðið að miða tímamörkin við 3 mánuði, eða 3. janúar 2025, vegna tækja sem bila eftir atburðinn. Verði tjón tilkynnt eftir þann tíma verður slíkt metið sérstaklega.

Afleitt tjón
Afleitt tjón er t.d. tími fólks, óþægindi, ferðir milli staða og þess háttar. RARIK bætir ekki afleitt tjón en mun greiða sendingarkostnað vegna nýrra tækja/varahluta eða tækja sem þarf að senda í viðgerð.

Gagnaöflun
Viðskiptavinir eru beðnir um að taka myndir af ónýtum tækjum og öðru tjóni. Ónýt tæki verða sótt heim til viðskiptavina og mun TM annast milligöngu um það.

Útskipting skemmdra sölumæla
Öllum mælum sem skemmdust í trufluninni 2. október þarf að skipta út fyrr en síðar og biðjum við viðskiptavini að taka vel á móti verktökum og starfsfólki á okkar vegum sem hafa samband til að skipta mælunum út. 

Við bendum viðskiptavinum RARIKS á nánari upplýsingar í tilkynningu hér

RARIK og TM taka yfir öll samskipti og umsýslu vegna tjónstilkynninga tækja sem eyðilögðust í víðtæku rafmagnsleysi þann 2. október sl.

RARIK og TM

Við hjá TM höfum lagt mikla áherslu á að draga úr kolefnisfótspori okkar og viljum nú stíga enn umhverfisvænni skref. Í nóvember munum við alfarið hætta senda skjöl á pappír til viðskiptavina og samstarfsaðila okkar, nema eftir því sé sérstaklega óskað. Þess í stað munum við senda tölvupósta og birta upplýsingar á Mínum síðum á tm.is. Þannig getum við líka veitt enn skjótari og betri þjónustu.

Mínar síður eru þjónustusíður hjá TM. Þar er meðal annars hægt að skoða yfirlit yfir tryggingar, stöðu tjónaafgreiðslu, greiðslur og fleira.

Við biðjum viðskiptavini vinsamlegast að uppfæra tölvupóstfang sitt inn á Mínum síðum TM.


Ef eitthvað er óljóst hvetjum við þig til að hafa samband við okkur í netspjallinu hér á vefnum, með tölvupósti á tm@tm.is eða í síma 515 2000.

Stígum enn umhverfisvænni skref með breyttum samskiptaleiðum

Bless pappír!

Við hjá TM viljum benda á viðvaranir Veðurstofu Íslands sem spáir asahláku víða um land. Asahláka er þegar snjór bráðnar mjög hratt vegna hlýinda og veldur því að mikið yfirborðsvatn myndast á skömmum tíma. Þá getur orðið flughált og hætta á vatnstjónum þar sem niðurföll hafa ekki undan. 

Við hvetjum öll til þess að skella sér út og athuga niðurföll í kringum sínar fasteignir og hreinsa frá þeim snjó og klaka. En farið varlega, því það gæti verið flughálka!

Veðurstofa vara við asahláku víða um land

Alþingi hefur samþykkt breytingu á lögum um Náttúruhamfaratryggingu Íslands, eða NTÍ, sem felur í sér heimild stofnunarinnar til þess að hækka iðgjöld tímabundið um fimmtíu prósent. Þessi heimild mun verða nýtt frá og með komandi nýársdegi. 

Við hjá TM innheimtum lögum samkvæmt iðgjöld fyrir hönd NTÍ eins og önnur tryggingafélög, en þau eru innheimt samhliða lögbundinni brunatryggingu húseigna. 

Al­þingi sam­þykkti ný­ver­ið breyt­ingu á lög­um um Nátt­úru­ham­fara­trygg­ingu Ís­lands (NTÍ) sem fel­ur í sér heim­ild stofn­un­ar­inn­ar til þess að hækka ið­gjöld tíma­bund­ið um 50%.

At­burð­irn­ir, sem átt hafa sér stað á Reykja­nesi und­an­far­ið, hafa haft veru­leg áhrif á fjár­hags­lega stöðu NTÍ. Stofn­un­in þarf á hverj­um tíma að eiga fjár­muni til að greiða bæt­ur vegna tjóns á hús­eign­um, inn­búi og öðru lausa­fé sem vá­tryggt er hjá NTÍ.

Heim­ild til hækk­un­ar á ið­gjöld­um NTÍ verð­ur nýtt og frá og með 1. janú­ar 2025 og verða þau inn­heimt með 50% álagi sam­hliða bruna­trygg­ingar­ið­gjöld­um. Ið­gjald fyr­ir hús­eign­ir, inn­bú og ann­að lausa­fé fer úr 0,025% í 0,0375% af vá­trygg­ing­ar­fjár­hæð.

Sem dæmi um áhrif þess­ara breyt­inga mun ið­gjald til NTÍ af 80 millj­ón króna eign hækka úr kr. 20.000 á ári í kr. 30.000 á ári og ið­gjald af inn­bús­trygg­ingu á 20 millj­ón króna inn­búi mun hækka úr kr. 5.000 í kr. 7.500 á ári.

Nánar um Náttúruhamfaratryggingu Íslands og iðgjöld

Nátt­úru­ham­fara­trygg­ing Ís­lands er op­in­ber stofn­un sem hef­ur það hlut­verk að vá­tryggja hús­eign­ir og bruna­tryggt lausa­fé, þ.m.t. inn­bú, gegn tjóni af af völd­um jarð­skjálfta, eld­gosa, skriðu­falla, snjóflóða og vatns­flóða.

Með­al þeirra gjalda sem inn­heimt eru sam­hliða bruna­trygg­inga­ið­gjöld­um hjá al­mennu vá­trygg­ar­fé­lög­un­um (Sjóvá, TM, Verði og VÍS) er lög­bund­ið ið­gjald sem renn­ur til Nátt­úr­ham­fara­trygg­ing­ar Ís­lands (NTÍ). Ið­gjald­ið hef­ur í ára­tugi ver­ið inn­heimt óháð áhættu, af eign­um um allt land sem fast hlut­fall af bruna­bóta­mati hús­eigna og vá­trygg­ing­ar­fjár­hæð­um lausa­fjár.

Náttúruhamfaratrygging Íslands gerir breytingar á gjaldskrá

Breytingar á gjaldskrá NTÍ

Opnað hefur verið fyrir tilnefningar fyrir Hvatningarverðlaun

Hvatningarverðlaun TM 2024

Vegna neyðarstigs Almannavarna í kjölfar rofs á heitu vatni á Suðurnesjum viljum við benda viðskiptavinum okkar á mikilvægar upplýsingar frá þeim um stöðuna á svæðinu ásamt nokkrum góðum ráðum til þess að minnka hitatap og spara orku. 


Byrgja fyrir stóra glugga t.d. með stóru teppi

Ef hitað var upp vatn til eldunar mats að hella því ekki að eldamennsku lokinni, láta það standa til þess að hita upp rými

Slökkva á rafhituðum heitum pottum, saunaklefum og gufuböðum, heimahleðslum rafbíla, hitagjafar sem eru utanhúss eins og hitamottur í gangstétt eða plönum og innrauðir hitagjafar til notkunar utanhúss

Ekki nota marga rafmagnsofna til kyndingar; mesta lagi einn ofn ef hægt er

Lágmarka notkun þvottavéla og uppþvottavéla. Ef þær eru notaðar þá þvo við lágt hitastig; mikill munur á 60°C og 90°C

Sleppa því að nota þurrkara, láta hanga til þerris í staðinn

Hægt að nota eldunartæki utanhúss eins og grill

*Leiðbeiningar fengnar af vef Almannavarna.

Við viljum gjarnan aðstoða viðskiptavini okkar ef eitthvað er, og hvetjum þá til þess að hafa samband við okkur í netspjallinu, með tölvupósti á tm@tm.is eða í síma 515 2000. 

Hér má finna almennar upplýsingar um tryggingar og náttúruhamfarir sem við höfum tekið saman.

Almannavarnir hafa lýst yfir neyðarstigi vegna rofs á heitu vatni

Vegna neyðarstigs á Suðurnesjum

Vegna neyðarstigs á Suður--nesjum

TM hefur frá upphafi sérhæft sig í tryggingum fyrir íslenskan sjávarútveg og hefur því lagt áherslu á að styðja við þróun og nýbreytni í greininni. Í samstarfi við Sjávarútvegsráðstefnuna mun TM veita Hvatningarverðlaunin 2024.

Hvatningarverðlaunin hafa það meginmarkmið að hvetja og styrkja ung fyrirtæki eða einstaklinga til frumkvæðis og nýsköpunar í sjávarútvegi ásamt því að efla umræðu og vitund almennings á mikilvægi þess.  

Síðan Hvatningarverðlaunin voru fyrst veitt hafa fjölmörg verðug verkefni hlotið viðurkenningu. Árið 2023 var það LearnCove, nýsköpunar- og hugbúnaðarfyrirtæki sem hefur frá árinu 2016 unnið að þróun hugbúnaðar sem gerir íslenskum sjávarútvegsfyrirtækjum kleift að halda utan um fræðslu, gæðaferli og úttektir í einum hugbúnaði.

Opnað hefur verið fyrir tilnefningar vegna Hvatningarverðlaunanna 2024 og verður tekið við tilnefningum til 18. september n.k. Nánari upplýsingar og innsendingar hér

Hvatningarverðlaunin verða veitt á Sjávarútvegsráðstefnu í Hörpu, 7. nóvember.

Hvatningarverðlaun TM og Sjávarútvegsráðstefnunnar

Hvatningar--verðlaun 2024

Heitavatnslaust verður á stórum hluta höfuðborgarsvæðisins frá því kl. 22:00 í kvöld, 19. ágúst, til hádegis á miðvikudag, 21. ágúst. Til að koma í veg fyrir tjón er mikilvægt að skrúfa fyrir allt heitt vatn í kvöld og fylgjast svo með á miðvikudaginn eftir að vatni verður hleypt aftur á. Þegar vatni er hleypt á stórt lagnakerfi getur nefnilega stundum komið upp leki.


Hvað þarf að gera til þess að koma í veg fyrir tjón? 

Best er að loka fyrir stofnloka/inntaksloka á heitu vatni rétt fyrir kl. 22:00 í kvöld. Einnig þarf að slökkva á hringrásardælum (gólfhita) ef við á. Á miðvikudag þegar vatn er komið aftur á skal opna rólega fyrir stofnloka/inntaksloka og kveikja aftur á hringrásardælum.

Ef hitakerfið virkar ekki er gott að skoða hvort óhreinindi séu í inntakssíu eða hvort þrýstijafnari sé hættur að virka. Gott er að kanna hvort allir ofnar virki eftir að vatn er komið á kerfið og ganga úr skugga um hvort einhver merki séu um leka, sér í lagi á samskeytum og neðst á ofnum. Ef ofnar hitna ekki getur dugað að snúa hitastillinum nokkrum sinnum. Ef það hefur ekki áhrif getur þurft að taka hitastillinn af og ýta við pinnanum sem þar er að finna en varast skal að nota töng til að toga pinnann upp.

Í dag er skynsamlegt að kynda hús vel og hafa glugga lokaða til að missa sem minnstan varma. Þar sem sturtuferðir verða ekki mögulegar næstu tvo morgna er þetta tilvalinn tími til að kynna sér sjósund — eða gera aðrar ráðstafanir varðandi baðferðir.

Hafið hiklaust samband við okkur ef tjón á sér stað. Í neyð er það símanúmerið 800 6700 en á opnunartíma 515 2000 eða netspjallið. Auk þess er alltaf hægt að senda tölvupóst á tm@tm.is eða tilkynna rafrænt á vef eða í TM appinu. Nánar má lesa um viðbrögð við tjóni hér. 

Frekari upplýsingar um framkvæmdina er á vef Veitna og þar verður tilkynnt þegar heitu vatni hefur verið hleypt á. Auk þess hefur Félag pípulagningameistara gefið út gagnlegar leiðbeiningar á vefsíðu sinni.

Það verður víst ekkert heitt vatn í boði á stórum hluta höfuðborgarsvæðisins næstu daga.

Er það ekki bara upplagt tilefni til að anda djúpt og skella sér í sjósund, meðan beðið er eftir heitu vatni í sturtuna heima?

Heitavatnsleysi

Heitavatns--leysi

Við hjá TM hörmum mjög þá stöðu sem uppi er í Grindavík. Það er þungbært að yfirgefa heimili sitt og vita ekki hvað verður. Þá er ekki síður mikilvægt að huga að þeirri andlegu líðan sem getur fylgt. 

TM hefur ákveðið að bjóða viðskiptavinum sínum á svæðinu að þiggja áfallahjálp hjá færum samstarfsaðilum félagsins. Áfallahjálp er fyrst og fremst sálræn skyndihjálp í kjölfar áfalls og streituviðbragða sem koma vegna þess. Streituviðbrögð eru eðlileg líkamleg, hugræn og tilfinningaleg viðbrögð fólks við áföllum. Viðbrögðin geta verið að endurupplifa atburðinn aftur og aftur, forðast allt sem getur minnt á atburðinn, svefntruflanir, pirringur og kvíði. Áfallahjálp er fjölþætt leið til þess að aðstoða fólk til sjálfshjálpar. Sálfræðingar verða með stutta fræðslu um hvernig best sé að takast á við aðstæðurnar tilfinningalega og svo gefst fólki færi á að viðra áhyggjur sínar og fara yfir atburðinn. Nánari upplýsingar um áfallahjálp má finna á vef Almannavarna hér. 



Endurgreiðsla iðgjalda eða styrkur til Björgunarsveitar Grindavíkur

TM mun bjóða einstaklingum í viðskiptum á svæðinu upp á að fella niður iðgjöld sín í desember eða láta þau renna til Björgunarsveitar Þorbjarnar í Grindavík. 
Viðskiptavinir eru beðnir um að fylla út form um hvort þeir vilja heldur hér.

Áfallahjálp, niðurfelling iðgjalda og styrkur til Björgunarsveitar Grindavíkur

Áfalla--hjálp, endur--greiðsla iðgjalda og styrkur til Björgunar--sveitar

Hugur okkar hjá TM er hjá Grindvíkingum

Áfallahjálp, niðurfelling iðgjalda og styrkur til Björgunarsveita

Hugur okkar hjá TM er hjá Grindvíkingum.