Vatnstjónstrygging

Að lenda í vatnstjóni getur haft í för með sér kostnað sem hleypur á milljónum króna og því er hún mjög mikilvæg trygging fyrir fasteignina þína. 

Tryggingin bætir

  • Skyndilegan leka úr leiðslukerfum hússins, svo sem frárennslislögnum og vatnsleiðslum.
  • Yfirfall frá vöskum og öðrum hreinlætistækjum.
  • Leka frá frysti- og kæliskápum.
  • Leka frá þvottavélum.
  • Leka frá vatnsrúmum og fiskabúrum.
  • Leka frá ofnum sem gefa sig skyndilega.

Tryggingin bætir ekki

  • Tjón vegna utanaðkomandi vatns, svo sem úrkomu, snjóbráðar eða frá þakrennum.
  • Tjón vegna stíflu í lögnum utan grunn hússins.
  • Tjón vegna leka með þaki, gluggum eða hurðum.
  • Ef frárennslislögn í grunni fasteignar gefur sig vegna aldurs, missigs eða eðlilegs slits.
  • Á þeim hlutum sem ollu tjóninu, svo sem rörin í húsinu, ofna, tæki eða vinnu við lagfæringu og endurlögn.

Vinsamlegast athugið að upptalningin hér að ofan er ekki tæmandi. Nánari upplýsingar er að finna í skilmála tryggingarinnar.