Netöryggistrygging
Með netöryggistryggingu TM er fyrirtækið verndað gegn fjárhagslegu tapi í kjölfar netárásar, auðkennisþjófnaðar eða gagnaleka.
Innbrot í fyrirtæki fara ekki lengur einungis fram í skjóli nætur við húsnæði þeirra heldur þess vegna á opnunartíma þeirra og úr allt öðru landi gegnum netið. Einnig getur auðkennisþjófnaður og gagnaleki ógnað þeim og viðskiptavinum þeirra. Tryggingin er fyrir lítil og meðalstór fyrirtæki sem vilja lágmarka fjárhagslegt tap sitt verði þau fyrir netárás og veitir aðgengi að þjónustuaðilum hér á landi bæði í netöryggi og á lögfræðisviði.
Víðtæk trygging á sviði netöryggismála
Tryggingin greinist niður í fimm liði sem eru auðkennisþjófnaður, netárás, rekstrartap, gagnaleki og ábyrgð vegna gagnaleka. Vinsamlegast athugið að upptalningin hér að neðan er ekki tæmandi. Nánari upplýsingar er að finna í upplýsingaskjölum og skilmálum trygginganna.
Forvarnir fyrirtækja hafa tekið breytingum með auknum þætti tölvutækni í þeirra rekstri og alþjóðavæðing netsins leggur leiðir þeirra gjarnan víða um heim. Tryggingin gildir um tölvugögn og hugbúnað þinn sama hvar í heiminum gögnin eru geymd eða hýst. Tryggingin gildir í starfsemi þinni á Íslandi og á meðan starfsmenn eru á ferðalögum í Evrópu vegna starfa sinna og engu máli skiptir hvaðan árásin á sér stað.
TM hefur einsett sér að vera leiðandi í þróun stafrænna lausna og er eina tryggingafélagið á Íslandi með netöryggistryggingu. Slík forvörn fyrirtækja er löngu tímabær í breyttum heimi þar sem þjófnaður og skemmdarverk fara ekki einungis fram á áþreifanlegum eignum og innbrotin ekki einungis fram í húsnæði fyrirtækja. Tryggðu þitt fyrirtæki gegn þjófnaði og skemmdum á dýrmætum gögnum, tölvusvikum og innbrotum tölvuþrjóta hvaðan sem er í heiminum.
Hvað getur þitt fyrirtæki gert?
TM hefur tekið saman helstu forvarnir á sviði netöryggismála. Þessum atriðum er nauðsynlegt að huga að í þínu fyrirtæki.
Þarftu aðstoð við að stilla þessu upp?
Rafræni ráðgjafinn getur aðstoðað þig við að sníða þessa tryggingu að þörfum fyrirtækisins þíns og í kjölfarið sendir starfsmaður TM þér tilboð.