Náttúruhamfarir

Tjón af völdum nátttúrhamfara geta verið margvísleg. Almenna reglan er sú að vátryggingar unanskilja tjón sem hljótast við eldgos, jarðskjálfta, skriðuföll, snjófljóð, vatsflóð og aðrar náttúruhamfarir nema annars sé sérstaklega getið.

Eignir sem eru brunatryggðar eru viðlagatryggðar. Viðlagatrygging bætir tjón af völdum náttúruhamfara. Ökutæki eru þó ekki viðlagatryggð, jafnvel þótt þau séu með kaskótryggingu. Nánari upplýsingar um trygginguna má finna á heimasíðu Viðlagatrygginga Íslands og í reglugerð um Viðlagatryggingu Íslands.

Viðlagatrygging óskar nú eftir því að öll mál séu tilkynnt beint til þeirra, en ekki til vátryggingarfélaga

Tjón af völdum náttúruhamfara

Hvað er tryggt og hvað er ekki tryggt? *

  • Húseignir
    Allar húseignir skulu vera tryggðar með lögboðinni brunatryggingu, en viðlagatrygging fylgir brunatryggingu húseigna.
  • Ökutæki og húsvagnar
    Ökutæki og húsvagnar eru ekki viðlagatryggð þótt þau séu með kaskótryggingu. Tjón á þeim fást ekki bætt sé tjón af völdum náttúruhamfara.
  • Lausafé
    Lausafé sem tryggt er gegn bruna fæst bætt úr viðlagatryggingu. Það á bæði við um sérstaka brunatryggingu og heimatryggingu.
  • Sumarhús og gróður við sumarhús
    Sumarhús (frístundahús) skulu vera brunatryggð eins og aðrar húseignir. Þau eru því einnig viðlagatryggð. Innbúsmunir (lausafé) í sumarhúsi bætast einnig úr viðlagatryggingu ef þeir eru brunatryggðir, sbr. hér að ofan. Í nánar tilgreindum sumarhúsatryggingum hjá TM (Sumarhúsatrygging TM2 og TM3) er unnt að fá sérstaka vátryggingu sem tekur til skemmda á gróðri á lóð sumarhússins. Ef slík trygging er fyrir hendi tekur hún til skemmda á gróðri sökum eldgoss.
  • Líkamstjón
    Slysatjón vegna eldgosa eru undanskilin í slysatryggingum, en eru þó innifalin i launþegatryggingu.
  • Búfé
    Sé búfé tryggt með landbúnaðartryggingu TM fæst tjón bætt úr viðlagatryggingu.
  • Dýr
    Dýr sem tryggð eru með gæludýratryggingu TM eru ekki viðlagatryggð. Tjón sem verður af völdum eldgossfæst því ekki bætt.
  • Forföll og ferðatafir
    Flugfarþegum sem verða fyrir röskun á ferðatilhögun vegna eldgossins ber að snúa sér til flugfélags eða eftir atvikum ferðaskrifstofu, samanber reglugerð númer 574/2005 sem fjallar um réttindi flugfarþega. Samkvæmt 8. grein reglugerðarinnar á farþegi rétt á endurgreiðslu eða fá breytingu á flugleið. Nánari upplýsingar eru á vefsíðu Flugmálastjórnar Íslands, www.caa.is.
    Tjón vegna röskunar á ferðatilhögun sem rekja má til eldgossins er ekki bótaskylt úr ferðatryggingum TM. Sama gildir almennt um kortatryggingar.

* Nánari upplýsingar má finna í skilmálum okkar.