Rafhjóla­trygging TM

Nýir tímar í samgöngum

Rafhjólatrygging TM er sérsniðin trygging fyrir rafknúin farartæki á borð við rafhjól og rafmagnsvespur.

Það er einfalt að tryggja rafhjólið. Þú sérð verðið strax og klárar málið hér á síðunni.

Fá verð í rafhjóla­tryggingu

Vádís rafrænn ráðgjafi aðstoðar þig við að setja saman rafhjólatryggingu sérsniðna að þínum þörfum. Þú sérð strax verðið á tryggingunni og getur gengið frá kaupunum fljótt og örugglega.

SJÁÐU ÞITT VERÐ

 


Hvað er rafhjól?

Rafhjól er samheiti yfir rafmagnsvespur, reiðhjól með rafmagnsmótor, rafmagnshlaupahjól og rafmagnsdrifna hjólastóla.

Af hverju Rafhjólatrygging TM?

Rafhjól njóta vaxandi vinsælda um allan heim og TM vill bjóða eigendum slíkra tækja á Íslandi góða tryggingu sem tekur til rafhjólsins sjálfs, slysa sem verða við notkun rafhjólsins og tjóns sem aðrir kunna að verða fyrir vegna notkunar hjólsins, t.d. við árekstur.

Er rafhjólið mitt ekki tryggt með Heimatryggingu TM?

Venjuleg heimilisreiðhjól falla undir Heimatryggingu TM, upp að vissu fjárhæðarmarki. Hins vegar eru rafhjól oftast talsvert dýrari en það hámark sem heimatryggingin bætir. Þá eru ákveðnir flokkar rafmagnshjóla, t.d. reiðhjól með hjálparmótor yfir 250W og rafmagnsvespur, skráningarskyld ökutæki samkvæmt umferðarlögum og þess vegna falla þau utan Heimatryggingar TM.

Með rafhjólatryggingu getur þú verið viss um að rafhjólið sé tryggt, óháð verði og gerð.

Hvernig virkar Rafhjólatrygging TM?

Tryggingin bætir

  • Rafhjólatrygging TM tryggir rafhjólið þitt fyrir tjóni sem getur orðið á rafhjólinu við notkun, sem og þjófnaði.
  • Rafhjólatrygging TM tryggir þig, maka og börn á heimilinu, 13 ára og eldri, fyrir slysum sem verða við rafhjólreiðar.
  • Rafhjólatrygging TM tryggir þig, maka og börn á heimilinu, 13 ára og eldri, fyrir skaðabótaskyldu tjóni sem þið valdið öðrum við rafhjólreiðar.

Tryggingin bætir ekki

  • Skemmdir vegna eðlilegrar notkunar, ófullnægjandi viðhalds, slits eða galla.
  • Þjófnað á rafhjóli sem er skilið eftir ólæst á almannafæri.
  • Tjón sem rakin eru til þess að átt hefur verið við hraðatakmarkanir rafhjólsins.

Hvernig kaupi ég Rafhjólatryggingu TM?

Þú kaupir Rafhjólatryggingu TM með aðstoð rafræns ráðgjafa og klárar svo ferlið í gegnum TM appið með því að taka myndir af hjólinu. Einfalt ferli sem tekur örfáar mínútur eins og sjá má í þessu myndbandi:

Skoðun á rafhjóli í TM appinu

 


Rafhjólatrygging samanstendur af þremur valkvæðum liðum; munatryggingu, slysatryggingu og ábyrgðartryggingu.

Nánar um muna­tryggingu

Munatrygging tryggir farartækið gegn þjófnaði og skemmdum, þar á meðal ef það eyðileggst gjörsamlega.

 

Eigin áhætta er sá hluti af kostnaði sem þú greiðir við slys.

 

Tryggingin bætir

  • Tjón vegna skyndilegra og óvæntra atvika við rafhjólreiðar á Íslandi.
  • Viðgerðir og altjón.
  • Þjófnað.

Tryggingin bætir ekki

  • Tjón sem verða í keppnum eða æfingum fyrir keppni.
  • Skemmdir vegna ófullnægjandi viðhalds, slits eða galla.
  • Ef átt hefur verið við hraðatakmörkun eða hjólið skilið eftir ólæst.

Nánar um slysa­tryggingu

Tryggir þig fyrir sjúkrakostnaði hérlendis og bætir varanleg meiðsl eða fráfall vegna hjólreiðaslysa á rafhjóli.

 

Tryggingin bætir

  • Slys á rafhjólreiðum fyrir þig, maka og börn, 13 ára og eldri.
  • Slys á börnum á heimilinu undir 13 ára sem eru lögmætir farþegar.
  • Varanlega örorku eða fráfall sem rekja má til rafhjólaslyss.
  • Kostnað sem fylgir læknisaðstoð eða endurhæfingu eftir rafhjólaslys á Íslandi.
  • Viðgerðir á tönnum sem brotna eða laskast.

Tryggingin bætir ekki

  • Meiðsli af völdum vélknúins ökutækis sem er skráningar- og tryggingarskylt.
  • Meiðsli eða fráfall sem rekja má til undirliggjandi sjúkdóma eða veikinda.
  • Tjón sem verða í keppnum eða æfingum fyrir keppni.
  • Ef átt hefur verið við hraðatakmörkun.

Nánar um ábyrgðar­tryggingu

Ábyrgðartrygging bætir skaða á öðru fólki og hlutum sem þú veldur við hjólreiðar á rafhjóli.

 

Tryggingin bætir

  • Fyrir þig, maka eða börn á heimilinu, 13 ára og eldri.
  • Skaða sem þú eða aðrir valda á fólki eða hlutum við rafhjólreiðar á Íslandi.
  • Kostnað sem fellur á þriðja aðila vegna tjóns sem þú eða aðrir valda.

Tryggingin bætir ekki

  • Tjón á munum sem þú ert með að láni, í leigu eða í geymslu.
  • Meiðsli eða fráfall sem rekja má til undirliggjandi sjúkdóma eða veikinda.
  • Tjón sem verða í keppnum eða æfingum fyrir keppni.
  • Ef átt hefur verið við hraðatakmörkun.

Skilmálar