Góð ráð í aðventunni

Aðventan er tími ljósa, samveru og undirbúnings fyrir jólin. Á þessum árstíma kveikjum við oftar á kertum, setjum upp ljós og skreytingar og verjum meiri tíma við eldamennsku og bakstur.

Með nokkrum einföldum öryggisvenjum má draga úr hættu á eldsvoða og njóta aðventunnar með meiri hugarró.

Kerti og jólaskreytingar

• Skiljum logandi kerti aldrei eftir án eftirlits.
• Slökkvum á kertum áður en við yfirgefum herbergið eða förum að sofa.
• Höfum kerti í öruggri fjarlægð frá gluggatjöldum, skreytingum og öðrum eldfimum efnum.
• Gætum þess að kertaskreytingar séu stöðugar og þannig úr garði gerðar að ekki geti kviknað í þeim þótt kertin brenni niður.
• Staðsetjum kertaljós þar sem börn og gæludýr ná ekki til þeirra.

Jólaljós og rafmagn

• Gætum að því að tengja ekki mörg orkufrek raftæki í sama fjöltengi.
• Göngum úr skugga um að rafmagnssnúrur séu í lagi.
• Rafbúnaður gefur gjarnan frá sér hita og þarf loft til kælingar. Pökkum ljósaseríum ekki inn í skreytingar sem loftar ekki um.
• Skiljum ekki tuskur eða viskastykki eftir of nálægt helluborðum.
• Þrífum grill, viftur og aðra staði þar sem mikil fita getur safnast upp.
• Slökkvum á eldavélinni eða tökum potta af hellum ef við þurfum að sinna öðru.

Eldamennska og jólabakstur

• Skiljum ekki eldavélina eftir án eftirlits þegar verið er að elda eða baka.
• Höfum viskastykki, tuskur, pappír og annað eldfimt efni í öruggri fjarlægð frá helluborðum og öðrum hitagjöfum.
• Þrífum viftur og ofna reglulega þar sem fita og ryk geta safnast upp.
• Slökkvum á hellum eða tökum potta og pönnur af þeim ef við þurfum að sinna öðru.