Fasteign

Skemmdir á fasteign af völdum vatns sem á upptök sín innan veggja hússins og stafar eingöngu af skyndilegum og óvæntum leka úr vatnsleiðslum, hitakerfi eða frárennslislögnum þess eða tækjum tengdum þeim.

Skemmdir á fasteign í kjölfar innbrots eða tilraunar til innbrots.

Ef gler brotnar í fasteign. Hér er átt við hefðbundið gler í glugga eða dyrabúnaði fasteignarinnar.

Skemmdir á fasteign vegna ofsaveðurs, hafi vindhraði farið yfir 28,5 metra á sekúndu.

Skemmdir á fasteign ef jarðvegsvatn flæðir inn í hana, hafi það orðið í kjölfar skyndilegrar úrhellisrigningar (skýfalls) eða snjóbráðar (asahláku). Með skyndilegri úrhellisrigningu og snjóbráð er átt við að vatnsmagn verði skyndilega svo mikið að jarðvegsniðurföll leiða það ekki frá.

Frostskemmdir á vatnskerfi fasteignar vegna bilunar í hitakerfi hússins.

Skemmdir á burðarvirki fasteignar, vegna skyndilegs snjóþunga.

Loftklæðning, naglfastar innréttingar eða hlutar þeirra falla niður án utanaðkomandi atvika. Eigin áhætta er skv. skírteini.

Hreinlætistæki fasteignar brotna vegna skyndilegs og óvænts atburðar. Eigin áhætta er skv. skírteini.

Skaðabótaskylda myndast á eiganda fasteignar, vegna tjóns þriðja aðila.

Vátryggður verður fyrir tekjutapi á útleigðu húsnæði vegna bótaskylds tjónsatburðar. Einnig á vátryggður rétt á bótum vegna aukakostnaðar við að fara í annað húsnæði í kjölfar tjóns.

Skemmdir á fasteign vegna skyndilegs sótfalls, í kynditækjum eða í eldstæðum, sem ætluð eru til upphitunar húsnæðis.