Sjálfbærni hjá TM

Hjá TM leggjum við áherslu á að byggja upp traustan og sjálfbæran rekstur sem skapar verðmæti fyrir viðskiptavini okkar, starfsfólk og samfélagið í heild. Við vinnum markvisst að sjálfbærni í starfsemi okkar og tökum ábyrgðarfullar ákvarðanir með framtíðina í huga.

Umhverfið

Við leggjum okkur fram um að draga úr umhverfisáhrifum rekstrar okkar og þróa sjálfbærari lausnir í þjónustu og tjónaafgreiðslu. Með skýrum markmiðum um samdrátt í losun og aukinni áherslu á endurnotkun viljum við stuðla að jákvæðum áhrifum á umhverfið.

• Samdráttur í losun gróðurhúsalofttegunda
• Endurnotkun og endurvinnsla í tjónaþjónustu
• Greining og stýring loftslagsáhættu
• Sjálfbærari lausnir við viðgerðir og tjónauppgjör

Í tjónaþjónustu TM er lögð áhersla á að draga úr umhverfisáhrifum, meðal annars með endurnotkun, viðgerðum og endurvinnslu tjónamuna þegar það á við. Einnig vinnum við með verkstæðum og öðrum þjónustuaðilum að ábyrgri meðhöndlun tjónaúrgangs.

Ábyrg þjónusta og fjárfestingar

Sjálfbærni er hluti af því hvernig við þróum þjónustu okkar og tökum fjárfestingarákvarðanir. Við horfum til umhverfislegra og samfélagslegra áhrifa og vinnum að því að bjóða ábyrgar og framtíðarmiðaðar lausnir.

• Ábyrgar fjárfestingar
• Sjálfbær vöruþróun og þjónusta
• Sjálfbærni í áhættumati fyrirtækja
• Ábyrgar og framtíðarmiðaðar lausnir

Við tökum mið af umhverfis-, félags- og stjórnarháttum í fjárfestingarákvörðunum og vinnum að því að samþætta sjálfbærni í þróun vöru og þjónustu. Við metum jafnframt sjálfbærniáhættu þar sem það á við í viðskiptum okkar.

Fólkið okkar

Við viljum vera vinnustaður þar sem fólk fær tækifæri til að vaxa og dafna. Við leggjum áherslu á jafnrétti, öryggi og vellíðan starfsfólks og styðjum við jákvæða og heilbrigða vinnustaðamenningu.

• Jafnrétti og fjölbreytileiki
• Öruggt og heilbrigt starfsumhverfi
• Fræðsla og starfsþróun
• Vellíðan og góð vinnustaðamenning

Ábyrgir starfshættir

Traust er einn af hornsteinum TM. Við leggjum áherslu á gagnsæi, góða stjórnarhætti og ábyrga viðskiptahætti í allri starfsemi okkar.

• Gagnsæ upplýsingagjöf.
• Ábyrgir birgjar og samstarfsaðilar
• Varnir gegn tryggingasvikum
• Góðir stjórnarhættir og áhættustýring

Við leggjum áherslu á að sjálfbærni sé hluti af stjórnun og áhættustýringu TM. Með skýrum viðmiðum og reglulegri upplýsingagjöf vinnum við að ábyrgum rekstri til lengri tíma.

Markmið TM

Sjálfbærnimarkmið TM styðja við ábyrgan rekstur til lengri tíma. Við fylgjum þeim eftir reglulega og vinnum að því að samþætta sjálfbærni í fjárfestingum, þjónustu, tjónaafgreiðslu og starfsháttum.

• Stefnt er að 80% samdrætti í beinni losun gróðurhúsalofttegunda árið 2028 og 95% samdrætti árið 2030, miðað við árið 2016.
• Við tökum mið af umhverfis-, félags- og stjórnarháttum við nýjar fjárfestingar og þróun vöru og þjónustu.
• Við viljum auka endurnotkun, viðgerðir og endurvinnslu í tjónaþjónustu og stuðla að minni kolefnisspori tjóna.
• Við stefnum að jafnari kynjahlutföllum á efstu stjórnendastigum og öruggu starfsumhverfi fyrir starfsfólk.
• Við leggjum áherslu á ábyrga birgja, gagnsæi og góða stjórnarhætti.

Heimsmarkmiðin

Sjálfbærnimarkmið TM tengjast fjórum heimsmarkmiðum Sameinuðu þjóðanna. Þau endurspegla áherslur okkar í loftslagsmálum, jafnrétti, ábyrgum atvinnuháttum og minni umhverfisáhrifum í tjónaþjónustu.

Heimsmarkmið Sameinuðu þjóðanna