Stjórn og sam­þykktir TM trygginga hf.

Stjórn TM trygginga hf.


Inga Björg Hjaltadóttir, stjórnarformaður

Inga Björg var kjörin í stjórn TM trygginga í apríl 2021. Að auki er hún nefndarmaður í starfskjaranefnd Kviku og endurskoðunarnefnd Kviku ásamt því að vera nefndarmaður í starfsnefnd stjórnar Kviku eignastýringar.

Hún útskrifaðist með Cand. Jur. gráðu frá Háskóla Íslands árið 1995 og hlaut héraðsdómslögmannsréttindi árið 2003. Hún er einn stofnenda og hefur starfað hjá Attentus mannauði og ráðgjöf frá árinu 2007, síðustu ár sem framkvæmdastjóri félagsins auk þess að sinna ráðgjöf og lögmannsstörfum. Inga var meðeigandi í Lögfræðistofu Reykjavíkur 2016-2020 og hefur starfað sem lögmaður frá árinu 2003. Áður var Inga deildarstjóri hjá Eimskip 1999-2003, lögfræðingur og síðar staðgengill starfsmannastjóra Reykjavíkurborgar á árunum 1996-1999. Inga hefur áður setið í stjórnum Carbon Recycling International, Límtrés Vírnets, E-Farice og Smellins eignarhaldsfélags. Hún var einnig áður nefndarmaður í endurskoðunarnefnd Reykjavíkurborgar, Orkuveitu Reykjavíkur, Strætó BS, Malbikunarstöðvarinnar Höfða, Faxaflóahafna, Sorpu, Félagsbústaða og Slökkviliðs höfuðborgarsvæðisins.

Inga er einnig dómari í Félagsdómi f.h. íslenska ríkisins, tilnefnd af fjármálaráðherra, og formaður kjaranefndar Reykjavíkurborgar. Inga var jafnframt stundakennari í alþjóða viðskiptarétti við Háskólann á Bifröst árin 2004-2011, auk þess sem hún sinnti kennslu í lögfræði fyrir nemendur í fjármálaverkfræði við Háskólann í Reykjavík árin 2005-2008 og tilfallandi stundakennslu við HR og Opna háskólann.

Inga Björg er fædd árið 1970.


Ragnar Páll Dyer

Ragnar Páll var kjörinn í stjórn TM trygginga í apríl 2021. Hann hóf störf innan samstæðu Kviku árið 2010 og varð framkvæmdastjóri Júpíter rekstrarfélags árið 2013. Hann tók við sem framkvæmdastjóri fjármála- og rekstrarsviðs Kviku árið 2019. Ragnar hefur starfað á fjármálamörkuðum frá árinu 2007.

Áður en Ragnar hóf störf hjá samstæðu Kviku starfaði hann sem sjóðstjóri og einn af eigendum Teton fjárstýringar. Þar áður starfaði hann hjá Straumi fjárfestingabanka sem miðlari og sérfræðingur í vöxtum og vaxtaafleiðum. Fyrir þann tíma starfaði Ragnar hjá Creditinfo Group sem framkvæmdastjóri upplýsingatæknisviðs og sem deildarstjóri vefþróunar hjá Símanum.

Ragnar hefur lokið Stjórnendanámi Stanford háskóla, er með BSc gráðu í rekstrarverkfræði frá Háskólanum í Reykjavík og hefur lokið prófi í verðbréfaviðskiptum.

Ragnar Páll er fæddur árið 1977.


Þorvarður Sveinsson

Þorvarður var kjörinn í stjórn TM trygginga í apríl 2021. Hann er framkvæmdastjóri Farice og starfaði áður sem framkvæmdastjóri hjá Sýn. Þorvarður hefur reynslu sem framkvæmdastjóri, yfirmaður stefnumótunar og fjárfestingastjóri og hefur gegnt stjórnarstörfum í fjölda fyrirtækja á Íslandi og á Norðurlöndum m.a. í Lýsingu, Lyfju, Símanum, Mílu, Öryggismiðstöð Íslands, Símanum Danmark og Vodafone Færeyjum.

Þorvarður er með M.Eng. gráðu í verkfræði frá Harvard University og B.SC. í rafmagns- og tölvuverkfræði frá Háskóla Íslands.

Þorvarður er fæddur árið 1977.

Starfsreglur stjórnar TM trygginga hf.


Varamenn í stjórn:

  • Bjarki Már Baxter
  • Bryndís Hrafnkelsdóttir

Endurskoðunarnefnd:

  • Inga Björg Hjaltadóttir
  • Hrönn Sveinsdóttir
  • Helga Kristín Auðunsdóttir

Samþykktir af stjórn TM trygginga hf.

Samþykktir TM trygginga hf. 17. desember 2020