Mótorhjól

Tryggja þarf mótorhjól rétt eins og bifreiðar. Ábyrgðartrygging og slysatrygging ökumanns og eiganda eru innifaldar í tryggingunni, sem er skyldutrygging.

Sömu skilmálar gilda fyrir mótorhjól og bifreiðar. Þó má segja að mótorhjólatryggingar séu frábrugðnar bifreiðatryggingum að því leyti að stærstur hluti tryggingabóta kemur vegna slysa sem hendir ökumann en ekki vegna tjóna sem henda þriðja aðila.

Iðgjöld bifhjólatrygginga ákvarðast af þeirri notkun sem hjólin eru gerð fyrir.

Fleiri þættir hafa einnig áhrif á iðgjöld mótorhjóla. Annars vegar eru iðgjöld þar sem vátryggingartökum er heimilt að leggja inn skráningarnúmer mótorhjóls og fá iðgjaldið hlutfallslega endurgreitt miðað við innistöðutímabilið sbr. 2. mgr. 6. gr. reglugerðar nr. 424/2008 um lögmæltar ökutækjatryggingar. Ákvæði þetta gildir þó ekki um torfærutæki (m.a. vélsleðar, torfæruhjól og fjórhjól á rauðum númerum) eða dráttarvélar.

Hins vegar eru iðgjöld þar sem vátryggingartökum er boðið að greiða heilsársiðgjald þar sem mið er tekið af því að mótorhjólið er aðeins notað hluta úr ári gegn því að tryggingartaki afsalar sér rétti til endurgreiðslu vegna innistöðu númera, að uppfylltum ákveðnum skilyrðum. Vátryggingaráðgjafar félagsins veita nánari upplýsingar um þessi skilyrði.

Skilmálar

Fá tilboð í tryggingar