TM veitir verðlaun fyrir framúrstefnuhugmynd í sjávarútvegi

16. nóv. 2018

Svifaldan verðlaunagripurinn fyrir Framúrstefnuhugmynd Sjávarútvegsráðstefnunnar 2018 var nú veitt í áttunda sinn í gær, en markmiðið er að efla umræður og hvetja til nýrrar hugsunar með framsæknum og frumlegum hugmyndum. Svifaldan er gefin af TM, sem jafnframt veitir verðlaunafé og viðurkenningar til þeirra sem standa að þremur bestu hugmyndunum. Björk Viðarsdóttir frá TM afhenti verðlaunin í gær, sem jafnframt sat í dómnefnd.

Davíð Freyr Jónsson, Gunnar Þór Gunnarsson, Kári Ólafsson hlutu fyrstu verðlaun.  Aurora Seafood ehf. í samstarfi við Curio ehf vinna  nú að þróun sæbjúgnavinnsluvélar.  Á Íslandi hafa sæbjúgu verið unnin síðan árið 2003 og allar götur síðan hafa framleiðendur reynt að hanna og smíða vélar til að skera sæbjúgun.  Það hefur reynst þrautinni þyngra, þar sem sæbjúgu hafa mjög breytilega lögun. Viðlíka vélar og búnaður til vinnslu á sæbjúgum eða öðrum hryggleysingjum hefur ekki verið smíðaður áður, en þessi vél myndi gera fullvinnslu afurða á vestrænum atvinnusvæðum gerlega og arðbæra.

Einnig fengu tvær aðrar hugmyndir viðurkenningu.

Caligo Sapo Fjölþokukerfi, en að henni standa Gunnar Brynjólfsson, B.G.B TECH og Baldur Halldórsson, Vatnslausnir ehf. Sótthreinsun í fiskvinnslu með þokuúðun hefur verið vel þekkt í um 25 til 30 ár. Með þessari hugmynd er aðferðin tekin enn lengra, þar sem sápu er einnig úðað á vélar og tæki með sömu aðferð og með sama tækinu CALIGO SAPO.

Ekko toghlerar, en að henni stendur Smári Jósafatsson, Ný toghlerahönnun ehf.   Með nýjum vænglaga Ekkó toghlerum verður tæknibylting sem skilar margháttuðum ávinningi umfram hefðbundna toghlera.

Sjavarutvegsradstefna2018-4Mynd frá verðlaunaafhendingunni í Hörpu. Frá vinstri er Smári Jósafatsson sem hlaut viðurkenningu fyrir Ekkó toghlera, Björk Viðarsdóttir frá TM, Davíð Freyr Jónsson vinningshafi frá Aurora Seafood og Gunnar Brynjólfsson sem hlaut viðurkenningu fyrir Caligo Sapo fjölþokukerfið